Joshuwa 14:12 - Baibo Busansulushi Bwa Libuku Ili

¹² Anu amumpe cishi ca tulundu ici Mwaami Lesa ncaakanshomesha pabushiku bulya. Mwebo nobeene mwakanyumfwa ayi nkokuli basankwa bapolomene beetwa ayi bene Anaki, alimwi mandabalaabo anene ali mumalinga anene. Sombi munkusu sha Mwaami Lesa mwiine, ndaakubatandaamo kweelana ambwaakaamba.”

Joshuwa 14:12 ပူးပေါင်းရင်းမြစ်များ

2 Baami 19:4

Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Kulumbaisha 60:12

Na mwebo nobaLesa kamuli andiswe tulaakukoma. Ncakwiila ndimwe mweshi mukatukomeneeko balwani.

Shakubelenga 13:28

Sombi bantu bekalaamo balicite nkusu, amandabalaabo anene nganene abuumbi alimwi alicite malinga abotu. Teshi ceeco ceenka, sombi twakacana abamulunyungu lwa bantu bapolomene nkomunya uko.

Shakubelenga 13:33

alimwi twakabona abantu bapolomene, bamulunyungu lwakwe Anaki. Swebo twakalinga kulibona kuceya anga mbateete, alimwi ncakwiila mbotwakalinga kuboneka mbweeke ubo kuli mbabo.”

Shakubelenga 21:34

Mpomunyaawo Mwaami Lesa wakaambila Mose ayi, “Utamuloondi. Nebo ntoolengesha ayi mumukoome, bantu bakwe alimwi acishi cakwe. Umuciite bweenka mbowakacita Sioni mwaami wa bene Amoli, uyo wakalinga kweendelesha kuEshiboni.”

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Dutolonomi 1:28

Nceebonshi nceenga twaitako uko? Twaloonda. Basankwa mbotwakatumaako bakatulwiita ayi bantu bali kooko balishimpite alimwi mbalaamfu abuumbi kwiinda ndiswe. Balekala mumandabala anene acite lubumbu lulaamfu abuumbi. Bakabonaako abamulunyungu lwa bantu bapolomene beetwa ayi Anakimu!’

Dutolonomi 9:1

“Ono amukutike mwebo nobene Isilaeli. Muli pafwaafwi kusubuka Mulonga wa Joodani ayi mubwese cishi ca mishobo inene icite nkusu kwiinda ndimwe. Mandabala abo nganene alimwi alishitilishitwe alubumbu lulaamfu abuumbi.

Dutolonomi 9:3

Ono sunu nobeene mutoobona Mwaami Lesa, Lesa wanu utoomutanjilila abukali buli anga ngumulilo utoobilima. Unanooya cibakoma kunembo lyanu mwaakunooya, kwaamba ayi mukabatandeemo akubanyonyoola cakufwambaana mbuli mbwaakashomesha.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,

Joshuwa 15:14

Mpeeke Kalebu wakatanda bamulunyungu lwakwe Anaki botatwe kuswa mundabala inene ya Ebuloni. Wakatandamo Sheshayi, Ayimani alimwi aTalimayi, bamulunyungu lwakwe Anaki.

Boomboloshi 1:20

Lyalo Kalebu wakapekwa ndabala ya Ebuloni kweelana abwakaamba Mose. Wakatandaamo shipani shotatwe sha mumukowa wakwe Anaki.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”