Joshuwa 11:20 - Baibo Busansulushi Bwa Libuku Ili

²⁰ Mwaami Lesa mwiine ngowakabalengesha cimpamya ayi balwane abene Isilaeli, kwaamba ayi abanyonyweetebo limwi akubalobya cakubula nkumbu. Ubo Mwaami Lesa mbwaakaambila Mose.

Joshuwa 11:20 ပူးပေါင်းရင်းမြစ်များ

2 Samwelo 17:14

Mpomunyaawo Abusalomu abene Isilaeli bamwi boonse bakaamba ayi, “Muyeeyo wapa Ushayi mwine Aki weendaawo kubota pawakwe Ayitofelo.” Ono cakacitika boobo mukwiinga Mwaami Lesa wakalinga weelibalabo kunyonyonganya muyeeyo ubotu wakwe Ayitofelo kwaamba ayi alete libona pali Abusalomu.

1 Baami 12:15

Cakacitika boobo kweelana akuyanda kwa Mwaami Lesa kwaamba ayi nshaakaambila Jeloboamu mwanaakwe Nebati kwiinda muli Aija mulaluki wa kuShilo, shicitike cancinencine. Nceceeco mwaami Leoboamu ncaatakwe kubikila maano kubantu.

2 Makani 22:7

Lesa wakasebensesha kufwakasha uku kwakwe Aasiya kuli Jolamu kwaamba ayi bwaami bwakwe Aasiya bumane. Aasiya kaacili kooko, lakwe aJolamu bakapolelwa musankwa wiitwa ayi Jewu mwanaakwe Nimushi uyo Mwaami Lesa ngwaakasala ayi anyonyoole bamuŋanda yakwe Aabu.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

Kulonga 10:1

Lyalo Mwaami Lesa wakaambila Mose ayi, “Koya kumwaami Falawo. Ndalengesha lakwe alimwi abacinenenene bakwe kuba beshicimpamya ayi ncite shaankamiko pakati kabo.

Kulonga 11:10

Mose aAloni bakacita shaankamiko shoonse ishi pameenso a mwaami Falawo, sombi Mwaami Lesa wakalengesha ayi abe shicimpamya akukasha bene Isilaeli kuswa mucishi cakwe.

Kulonga 14:17

Ntoolengesha ayi bene Ijipiti babe beshicimpamya cakwaamba ayi batoobanjilila mulweenge. Lyalo anebo ntooba abulemu kwiinda mukukoma mwaami wabo, bashilumamba bakwe, shikoci shankondo alimwi abeshikweensha.

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulonga 14:8

Mwaami Lesa wakalengesha ayi mwaami Falawo abe shicimpamya akukonkela bene Isilaeli abo bakalinga kuswa mucishi ca Ijipiti cakutaloonda.

Kulonga 4:21

Mwaami Lesa wakaambila Mose alimwi ayi, “Ono bulya mbootoboolela kuIjipiti, ulyeelete kucita pameenso a mwaami Falawo shaankamiko shoonse nshendakakubonesha. Sombi ndaakulengesha mwaami kuba shicimpamya akukaka kusuminisha bantu ayi baye.

Kulonga 9:12

Sombi Mwaami Lesa wakalengesha ayi mwaami Falawo abe shicimpamya, alimwi kweelana abwakaamba Mwaami Lesa, Falawo wakakaka kunyumfwila Mose aAloni.

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Isaya 14:24

Mwaami Lesa Shinkusu shoonse washomesha cakulumbila ayi, “Bweenka mbondakayeeya, ncakwiila mbweshi cikabe, ee, bweenka mbondakabamba, bweenka ubo mbociimfwi.

Isaya 34:2

Mwaami Lesa wakalalila baswamashi boonse, bukali bwakwe buli pamakoto abo oonse a bashilumamba. Boonse ulaakubanyonyoola cakumaninina. Ulaakubaaba ayi bacaikwe.

Bene Loma 9:18

Anu Lesa ulanyumfwila nkumbu abo mbaasuni kunyumfwila akulengesha cimpamya kubamwi abo mbaasuni.

Dutolonomi 2:30

“Sombi mwaami Sioni wakatukasha kwiinda mucishi cakwe. Mwaami Lesa, Lesa wanu wakalinga wamulengesha bushicimpamya abwaashu, kwaamba ayi tumukoome akubwesa cishi cakwe ico ncetucikalaamo abobulya.

Dutolonomi 7:16

Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Boomboloshi 14:4

Bashali bakwe tabakwe kwishiba ayi makani ayo aswa kuMwaami Lesa mukwiinga wakalinga kuyandoola pakubacanina mulandu bene Filisiti. Paciindi ico bene Filisiti mbobakalinga kulela bene Isilaeli.

1 Samwelo 2:25

Muntu na wabishisha muntunyina, Lesa inga wamucafwa. Ono na muntu wabishisha Mwaami Lesa, ngani weenga wamwiimikanina?” Nakubi boobo tabakwe kunyumfwila baishiwabo ceebo Mwaami Lesa wakalinga wacibamba kale ayi bafwe.