Joni 7:4 - Baibo Busansulushi Bwa Libuku Ili

⁴ Taaku muntu ushisa ncaatoocita na kaasuni kupuka. Ono kweelana ambootoocita anu leka bantu boonse bakwishibe!”

Joni 7:4 ပူးပေါင်းရင်းမြစ်များ

1 Baami 22:13

Paciindi ceenka ico wacinenenene uyo wakalinga kuya mukwiita Mikaya wakamwaambila ayi, “Balaluki bamwi boonse balaluka kale shakuswitilila kwa mwaami, awebo waambe bweenka ubo.”

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

Mateyo 4:6

Mpeeke wakaambila Jesu ayi, “Na uli Mwanaakwe Lesa, liwaale panshi, mukwiinga cililembetwe muMalembo akwe Lesa ayi, ‘Lesa ulaakutuma baanjelo bakwe ayi bakakubaake,’ alimwi ayi, ‘Balaakukubaka kwaamba ayi utacisi cimpanta cako kulibwe.’ ”

Mateyo 6:16

“Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.

Mateyo 6:5

“Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.

Luka 6:45

Muntu uli kabotu ulaamba shibotu shili mumoyo wakwe, alakwe muntu mubiibi ulaamba shibiibi shili mumoyo wakwe mukwiinga muntu ulaamba shiswite mumoyo wakwe.

Joni 18:20

Jesu wakamukumbula ayi, “Ndakalinga kwiishisha pameenso a bantu boonse. Ndakalinga kwiisha mushoonde shanu amuŊanda yakwe Lesa umo mubunganina bantu. Taakuuwo ncendakaambila kumapela.

Joni 7:3

Aboobo banandumi shakwe bakamwaambila ayi, “Swaako kuno uye kuJudeya kwaamba ayi bashikwiiya bako bakabone shaankamiko nshoocita.

Joni 7:5

(Banandumi shakwe bakaamba boobo ceebo abalo tebakalinga kumushoma.)