Joni 5:3 - Baibo Busansulushi Bwa Libuku Ili

³ Mutwaanda umo mwakalinga koona balwashi baanji mbuli boofu, balema abakalinga kuyuminite mibili. [Aba bakalinga kulindila maanshi kufundoolwa.

Joni 5:3 ပူးပေါင်းရင်းမြစ်များ

1 Baami 13:4

Mwaami Jeloboamu ndyaakanyumfwa boobo, wakamutondeka munwe kwaamba ayi, “Amucate musankwa ulya!” Mpomunyaawo lyaansa lya mwaami uyo lyakayumabo nta cakwaalilwa kuliboosha mboliba lyoonse.

Tushimpi 8:34

Ulicite coolwe muntu uyo unyumfwila, muntu uyo ulindilila paminjililo yangu nshiiku shoonse, ee, ulindilila pamilyango iya muŋanda yangu.

Malilo 3:26

Ncibotu kulindilila kooumwitebo, ee, pakulangila lupulusho lwa Mwaami Lesa.

Sekaliya 11:17

Mapensho kumweembeshi uyo utaaku mbwaabete, ee, mweembeshi uyo ushiya litanga lyakwe. Aboobo nkondo ilaakunyonyoola nkusu shakwe. Lyaansa lyakwe lilaakunyana aliinso lyakwe lyalulyo lilaakupofola.”

Mateyo 15:30

Mpeeke bantu baanji baanji bakaya kuli Jesu bakatola bantu balema myeendo, boofu, balema bamwi, bacibuulu alimwi abamwi balwashi baanji. Bakabooneka kunembo lyakwe Jesu, peenka wakabashilika.

Mateyo 4:24

Aboobo impuwo yakushilika kwakwe yakanyumfwika mucishi coonse ca Silya. Mpeeke bantu bakatalika kutola balwashi baanji kuli nguwe abo bakalinga kuciswa cankusu, bakalinga kucite bashikaswa, beshitushita alimwi abayuminite mibili. Alakwe Jesu wakabashilika boonse.

Luka 7:22

Lyalo Jesu wakakumbula bashikwiiya bakwe Joni ayi, “Kamuya mukalwiite Joni shoonse nshimwabona akunyumfwa, boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu mumushimu batooshimikilwa Makani Abotu.

Joni 5:2

Ono muJelusalemu, pafwaafwi aMulyango wa Mbelele, kwakalinga lishiba liitwa ayi Betesida muciEbulu. Mweela lishiba ili mwakalinga kuyakitwe twaanda tosanwe.

Joni 5:4

Mukwiinga ciindi cimwi munjelo wakwe Lesa wakalinga kwisa mukwinjila mulishiba akufundoola maanshi. Aboobo mulwashi uli woonse wakalinga kutaanguna kwinjila mumaanshi, wakalinga kuba kabotu kubulwashi buli boonse mbweenga kaacite.]

Bene Loma 8:25

Aboobo na tutoolangila cintu ncetutabwene, tulyeelete kutolelela kulangila.

Jemusi 5:7

Ono mwebo nobamakwesu, amube beshimoyonteeka kushikila Mwaami wesu akese. Amubone mulimi mbwaakomenya moyo kulindila shishango mumyuunda yakwe ayi shicate. Ulalindila mfula itaanshi ayakweelaako camoyonteeka.