Joni 3:2 - Baibo Busansulushi Bwa Libuku Ili

² Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 3:2 ပူးပေါင်းရင်းမြစ်များ

1 Baami 17:24

Mpeeke mukalubinje uyo wakakumbula ayi, “Ono ndashiiba ayi uli muntu wakwe Lesa alimwi ayi Mwaami Lesa ulaambila muli ndiwe!”

Isaya 51:7

“Ono Amukutike mwebo nomwishi shiluleme, mukutike mwebo nomweenda amilawo yangu mumyoyo yanu. Mutanooloonda na bantu banoomupensha akumucobola.

Jelemiya 38:16

Paceebo ceeco Sedekiya wakanshomesha cakulumbila mubushishi ayi, “Bweenka mbocibete lushinisho ayi Mwaami Lesa ngumuumi uyo wakatupa buumi ubo mbotucite, mbweeke ubo teshi nkakucayeewo nabi kukwaaba mumaansa a baabo batoofwima buumi bwako.”

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Mateyo 23:7

Balisuni kwaanshikwa cabulemu mumishika alimwi akwiitwa ayi, ‘Bafundishi’.

Mateyo 23:8

Sombi mwebo tamweelete kwiitwa ayi, ‘Bafundishi’ ceebo noonse muli bamukowa alimwi mulicitebo Mufundishi womwi.

Maako 12:14

Ndibakashika, bakeepusha Jesu ayi, “Bafundishi, tulishi kwaamba ayi mwebo mulashomeka alimwi mwebo tamukomwi amiyeeyo ya bantu. Tamusalululi, sombi muleeisha nshila yakwe Lesa calushinisho bweenka mbuli mboibete. Sa Milawo ilatusuminisha kupa musonko kuli Sisa muleli munene wa kuLoma, nabi tau?”

Joni 1:38

Lyalo Jesu ndyaakacebuka wakabona kabamukonkela, mpeeke wakabeepusha ayi, “Mucafweeko?” Bakakumbula ayi, “Labi, ino mulekala kuli?” (Labi cilaamba ayi mufundishi.)

Joni 10:38

Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.”

Joni 12:37

Nakubi kwaamba ayi wakacita shaankamiko pameenso abo, tabakwe kumushoma.

Joni 14:10

Sa tooshomi kwaamba ayi ndimuli baTa, abalo baTa bali muli ndime? Maswi ngoomulwiita taaswi muli ndime nemwiine, sombi muli baTa bekala muli ndime, mbobasebensa milimo yabo.

Joni 15:24

Nintakwe kucita shintu pali mbabo isho shitana kucitawo kale muntu nabi womwi, naakwiinga tabacite mulandu pacibiibi cabo. Nabi bakabona shintu shoonse ishi, bakatupata soonse, nebo abaTa.

Joni 2:11

Ici, ncaankamiko citaanshi Jesu ncaakacita mucishi ca Galili, wakatondesha nkusu sha bulemu bwakwe, aboobo bashikwiiya bakwe bakamushoma.

Joni 20:16

Mpomunyaawo Jesu wakaamba ayi, “Maliya!” Lyalo Maliya wakapiluluka akwaamba muciEbulu ayi, “Laboni!” (Nkokwaamba ayi “Mufundishi.”)

Joni 3:26

Mpeeke bakaya kuli Joni akumwaambila ayi, “Bafundishi, muntu ulya ngomwakalingaakwe petala lya Mulonga wa Joodani, ulya ngomwakaambaawo, alakwe sunu utoobombeka alimwi bantu baanji batooya kuli nguwe!”

Joni 4:31

Ico ciindi bashikwiiya bakwe bakalinga kukombelela Jesu ayi alye.

Joni 5:36

Sombi ndicite bukamboni bunene kwiinda boobo Joni Mubombeki mbwaakancitila. Shintu nsheencita isho nshaakampa Lesa ayi ncite, nshesheesho shitondesha ayi baTa mbobakantuma.

Joni 6:2

Bantu baanji baanji bakamukonkela mukwiinga bakalinga babonaawo kale shaankamiko ndyaakashilika balwashi.

Joni 7:31

Nakubi boobo bantu baanji mulikoto lilya bakashoma muli Jesu, bakaamba ayi, “Na akese Usalitwe wakwe Lesa, sa ulaakucita shaankamiko kwiinda sheeshi nshaacita muntu uyu?”

Joni 9:16

BaFalisi bamwi bakaamba ayi, “Uyo muntu wacita ceeci taaswi muli Lesa mukwiinga taakonkeli mulawo wa bushiku bwakookesha bwa Cibelu.” Sombi bamwi bakaamba ayi, “Ino ono mucita shibi inga wacikonsha buyani kucita shaankamiko mbuli sheeshi?” Aboobo bakapansaana beene abeene.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 2:22

“Mwebo nobene Isilaelima, amukutikishe makani aya ngontoomulwiita! Ulya Jesu wa kuNasaleti wakalinga muntu uyo Lesa ngwaakatondesha ayi ngowooyo ngwaakasala akumutuma kuli ndimwe. Lesa wakabonesha cikani ici, kwiinda mushaankamiko ashitondesho sha nkusu sha kwiculu nshaakacita muli Jesu pakati kanu, kweelana ambuli mbomwishi.

Bene Filipi 1:14

Peculu lya waawo kwaangwa kwangu kwalengesha ayi bamakwesu baanji muli Klistu babe ankusu shakushimikila maswi akwe Lesa cakutaboola pesule akubula boowa.

Boomboloshi 6:27

Aboobo Gidyoni wakabwesa basebenshi bakwe bali likumi akucita kweelana abwakaamba Mwaami Lesa. Taakwe kucita mulimo uyu malumwi, sombi wakoocita mashiku mukwiinga wakalinga kuloonda beshikamukowa alimwi abantu ba mundabala.