Joni 2:4 - Baibo Busansulushi Bwa Libuku Ili

⁴ Jesu wakakumbula ayi, “Ma, ino mutooyanda ayi ncite buyani nebo? Ciindi cangu tacina kushikila.”

Joni 2:4 ပူးပေါင်းရင်းမြစ်များ

2 Samwelo 16:10

Sombi mwaami wakaamba ayi, “Mwebo nobana bakwe Seluiya tamubeteko lubasu kumakani aya. Na utooncobola ceebo cakwaamba ayi Mwaami Lesa wamulwiita boobo, ngani ucite nkusu shakumwiipusha ncaatoocitila boobo?”

2 Samwelo 19:22

Sombi Defedi wakakumbula ayi, “Mwebo nobana bakwe Seluiya tamubeteko lubasu kumakani aya. Ndime ndaba mwaami wa Isilaeli sunu alimwi taaku mwine Isilaeli eshi acaikwe sunu.”

1 Baami 17:18

Mpomunyaawo mukalubinje uyo wakaambila Elija ayi, “Omuntu wakwe Lesa, nciinshi ncewacitila bobulya? Sa wesa kokuno mukwiibalusha Lesa shibiibi shangu isho nshendakacita akulengesha mwanaangu kufwa?”

Shikushimikila 3:1

Shintu shoonse shicitika pacishi ca panshi shilicite ciindi ca nshisho.

Mateyo 15:28

Lyalo Jesu wakakumbula ayi, “Nankashi, lushomo lwako ndunene abuumbi! Acicitike kweelana akuyanda kwako.” Paciindi ceenka ico mwanaakwe mwanakashi wakaba kabotu.

Mateyo 8:29

Mpomunyaawo bakoolobesha ayi, “Ino twamucitanshi mwebo nobana bakwe Lesa? Sa mwesa mukutupensha ciindi kacitana kushikila?”

Luka 2:49

Jesu wakabakumbula ayi, “Ino mwalikunangwetanshi? Sa temwalinga kwishi kwaamba ayi ndyeelete kuba muŋanda ya baTa?”

Joni 12:23

Jesu wakakumbula ayi, “Ciindi cashikila cakwaamba ayi MwanaaMuntu alemekwe.

Joni 13:1

Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Joni 2:3

Mpeeke waini ndiwakamana, banyina Jesu bakamulwiita ayi, “Waini wabamanina.”

Joni 20:13

Mpomunyaawo bakamwiipusha ayi, “Owalutundu, ino utoolilanshi?” Lakwe wakakumbula ayi, “Bantu bakusha Baami bangu mucuumbwe alimwi nshishi nkobabatola.”

Joni 20:15

Jesu wakeepusha Maliya ayi, “Owalutundu, ino utoolilanshi? Ngani ngotoolangoola?” Maliya wakayeeya ayi ngushikulama muunda. Aboobo wakamwaambila ayi, “Mwebo ta, na ndimwe mwabakushaamo, amundwiite nkomwabatola kwaamba ayi nkababwese.”

Joni 7:30

Ingayi banyumfwe boobo bakeelesha kumucata, sombi taaku wakacikonsha mukwiinga ciindi cakwe kacitana kushikila.

Joni 7:6

Jesu wakabaambila ayi, “Ciindi cangu ceelete tacina kushikila, sombi mwebo ciindi cili coonse cili kabotu.

Joni 7:8

Anu mwebo kamuya mukusekelela uko, nebo teshi njeeko mukwiinga ciindi cangu ceelete tacina kushikila.”

Joni 8:20

Jesu wakaamba maswi aya kaali muŊanda yakwe Lesa pafwaafwi amusena pakalinga kubikwa shipo. Sombi taaku wakamucata mukwiinga ciindi cakwe kacitana kushikila.

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.