Joni 10:2 - Baibo Busansulushi Bwa Libuku Ili

² Sombi muntu uyo unjilila kumulyango, ngomweembeshi wa mbelele.

Joni 10:2 ပူးပေါင်းရင်းမြစ်များ

Kulumbaisha 23:1

Mwaami Lesa ngomweembeshi wangu, teshi nkapengeewo sobwe.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Shikushimikila 12:11

Maswi aamba bantu basongo ali anga ntusamu tukolete uto beembeshi ntoobasebensesha pakubinga mbelele. Atwalo tushimpi twabo tuli anga njimisomaali yakapopwa cankusu. Tushimpi uto twakapekwa aLesa, Mweembeshi womwibo ngotucite soonse.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 63:11

Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Mika 5:5

Muleli uyo ngweshi akabaletele luumuno. Bene Asilya ndyeshi bakese mucishi cesu mukucilwana akwiinda mushiyubilo shesu shoonse, tulaakubatumina bamatanjilili besu ba bashilumamba beendaawo nkusu.

Sekaliya 11:3

Amunyumfwe kooloma kwa beembeshi ceebo mafulo abo abotu anyonyoolwa. Amunyumfwe kubuluma kwa nkalamu, ceebo shisaka nsheshikalaamo sha kuJoodani shanyonyoolwa!

Sekaliya 11:5

Bashuula balashicaya kwakutapekwa amulandu. Abalo balya bashuulisha balaamba ayi, ‘Aalumbaishikwe Mwaami Lesa, ndabiila!’ Nabi beembeshi ba nshisho boonse tabashifwitiiwo ankumbu.

Sekaliya 11:8

Mumweenshi omwi ndakatandaanya beembeshi botatwe ceebo ndakabacimwa abalo bakampata.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 15:11

Teshi ceeco cintu cinjila mulifumo lya muntu cimubisha, sombi nceeco ciswa mukanwa.”

Joni 10:14

Nebo ndi mweembeshi mubotu, ndishi mbelele shangu ashalo shilinshi.

Joni 10:7

Aboobo Jesu wakabaambila alimwi ayi, “Ntoomulwiita calushinisho ayi ndime mulyango wa mbelele.

Joni 10:9

Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

1 Timoti 4:14

Utasuuli cipo ico ncewakapekwa balaluki ndibakashimikila makani akwe Lesa, ciindi likoto lya bamatanjilili ndilyakabika maansa pali ndiwe.

Taitasi 1:5

Ncendakakushiila kuKileti nkwaamba ayi ululike shoonse shakalinga kuyandika kubamba akubika bamatanjilili ba shoonde mumandabala oonse kweelana ambondakakulwiita.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

1 Pita 2:25

Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

Ciyubululo 1:20

Anu nyenyeenshi shosanwe ashobilo shili mulyaansa lyangu lyalulyo alimwi ashakubikaawo malampi sha golodi shili shosanwe ashobilo shileemikanina makani abushishi aya. Nyenyeenshi shosanwe ashobilo mbamatanjilili ba shoonde shili shosanwe ashobilo. Ashalo shakubikawo malampi shosanwe ashobilo nshoonde shili shosanwe ashobilo.