Joni 1:4 - Baibo Busansulushi Bwa Libuku Ili

⁴ Muli nguwe momwakalinga buumi alimwi buumi ubu bwakalinga mumuni wa bantu.

Joni 1:4 ပူးပေါင်းရင်းမြစ်များ

Kulumbaisha 49:6

Balo mbantu bacinkite manungo mububoni bwabo alimwi balisumpula ceebo cakufula kwa mbubo.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Mateyo 4:16

Bantu bakalinga kwikala mumunshinshe bakabona mumuni unene. Abalo abo bakalinga kwikala mucishi ca cimfule ca lufu, mumuni ulaakubamunikila.”

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Joni 11:25

Lyalo Jesu wakamwaambila ayi, “Ndime mbusha bantu kuswa kubafu alimwi ndime mpa buumi. Aboobo uyo woonse ushoma muli ndime ulaakuba abuumi nabi wafwa.

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

Joni 12:46

Ndakesa mucishi ca panshi bweenka mbuli mumuni kwaamba ayi uyo woonse eshi ashome muli ndime atabi mumunshinshe.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 3:19

Bupingushi mboobu, mumuni wakesa mucishi, sombi bantu bakasuna munshinshe kwiinda mumuni mukwiinga micito yabo njibiibi.

Joni 5:21

Bweenka baIshi mbobabusha bafu akubapa buumi, alakwe Mwaana ulapa buumi kubaabo mbaasuni kupa.

Joni 5:26

Bweenka baIshi mbobali matalikilo a buumi, alakwe Mwaana bamupa nkusu sha kuba matalikilo a buumi.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Joni 9:5

Bulya ndyeencili mucishi ca panshi ndi mumuni wa bantu boonse.”

Milimo ya Batumwi 26:23

Usalitwe wakwe Lesa ulaakucaikwa akuba mutaanshi kubushikwa kuswa kubafu kwaamba ayi akashimikile baJuda abaswamashi bakunsengwe ayi inga bapulushikwa. Mpeeke lupulusho lulaakuba anga ngumumuni kuli mbabo.”

1 Bene Kolinto 15:45

Ceebo Malembo akwe Lesa alaamba ayi, “Adamu muntu mutaanshi wakalengwa ayi abe muumi.” Sombi Adamu mucaalishi nguMushimu upa buumi.

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Bene Kolose 3:4

Klistu mbobuumi bwanu, ono na akaboneke, amwebo mulaakuboneka pantu pomwi anguwe mubulemu bwakwe.

1 Joni 1:1

Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.

1 Joni 1:2

Buumi ubu bwakayubululwa, mpeeke twakabubona. Tutoomwishibisha akumusansulwita shabuumi butamaani ubo bwakalinga aIshiwesu alimwi akuboneka kuli ndiswe.

1 Joni 5:11

Bukamboni ubu mbwakwaamba ayi Lesa wakatupa buumi butamaani alimwi buumi ubu bulacanika muMwanaakwe.

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”