Jona 4:8 - Baibo Busansulushi Bwa Libuku Ili

⁸ Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”

Jona 4:8 ပူးပေါင်းရင်းမြစ်များ

Matalikilo 41:6

Mpeeke amwi ali osanwe aobilo akasapuka. Ono alo ayo akalinga aniini alimwi anyanite kumuuwo wa muluyanga,

1 Baami 19:4

akweenda mushinso wa bushiku bomwi muluyanga. Mpeeke wakeemikana akwikala mucimfule ca cisamu, lyalo wakayeeya ayi ncibotu akufwabo. Wakapaila ayi, “Ndatentuka noBaami baLesa. Ono amutolebo buumi bwangu. Nebo nshiindi bamashali bangu bakulukulu!”

1 Baami 21:4

Lyalo Aabu wakaya kumishaabo kaalisukeme alimwi kaaungumene abuumbi. Wakakalala abuumbi pamakani ayo Naboti mwine Jesiliilu ngaakaamba kuli nguwe. Wakashika woona pabulo bwakwe, walanga kulubumbu akukaka kulya.

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Jobo 7:15

Paceebo ceeco ndayeeyabo kushinwa akufwa kwiinda kunoocili muumi mumubili uyu utoopenga.

Kulumbaisha 121:6

Lisuba teshi likakucisewo ciindi ca malumwi, nabi mweenshi awalo ciindi ca mashiku.

Kulumbaisha 39:9

Ndakalinga kuumwite cakutacalulaawo mulomo, mukwiinga mwebo ndimwe mwakasuminisha ayi mpenge bobulya.

Shikushimikila 7:9

Utafwambaani kukalala mumoyo wako ceebo bukali bulacanwa kubaluya.

Lwiimbo lwakwe Solomoni 1:6

Mutanoonshibuluka ayi mukwiinga ndashiya ee, ayi mukwiinga lumwi lwakanshiyisha. Baana basankwa muli bama bakalinga kunkalalila akuntuma kuya mukulama muunda wa minyansa. Paceebo ceeco ndakabula ciindi cakunoolibotesha.

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Esekelo 19:12

Nakubi boobo cakashulwa mubukali buyoosha alimwi akuciwishisha panshi. Awalo muuwo wakwicwe wakalengesha shisepo sha ncico kunyana. Misampi ya ncico yakayuma akumana kupya kumulilo.

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Jona 1:17

Mwaami Lesa wakatuma nswi inene abuumbi ayi imine Jona, alimwi wakekala munswi iyo kwanshiku shotatwe.

Jona 1:4

Mpeeke Mwaami Lesa wakatuma cipuupu cinene palweenge. Lyalo kwakaba maaba ayoosha cakwaamba ayi bwaato bwakalinga kusuni kupasuka.

Jona 4:3

Ono noBaami baLesa, amuncayebo. Ceebo ncibotu kwaamba ayi mfwe kwiinda kunooli muumi.”

Jona 4:9

Sombi Lesa wakaambila Jona ayi, “Sa kuli nceenga cakukalasha pacisamu ici?” Lyalo Jona wakakumbula ayi, “Ee, ndakonsha kukalala cakuyanda kufwa!”

Mateyo 20:12

kabaamba ayi, ‘Aba bacaalila basebensabo ciindi ciniinibo, ono mwebo mwabafolesha maali eenka ngomwatupa aswebo netwasebensa akupya kulumwi lisuba lyoonse.’

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.

Ciyubululo 7:16

Teshi bakanyumfwewo nsala nabi nyotwa. Teshi bakanyumfwewo lumwi nabi kupenga kucikasaashi cili coonse.

1 Samwelo 3:18

Aboobo Samwelo wakamulwiita shoonse cakutashisaawo nabi paniini. Mpomunyaawo Eli wakaamba ayi, “NgoMwaami Lesa, aacite cili coonse ncaasuni kucita.”