Jona 3:5 - Baibo Busansulushi Bwa Libuku Ili

⁵ Bene Ninife bakashoma makani ayo akwe Lesa. Lyalo bakasuminishanya kulikasha kulya, kuswa kubamanene abanike, boonse bakafwala masaka kubonesha ayi basanduka kuswa kushibiibi shabo.

Jona 3:5 ပူးပေါင်းရင်းမြစ်များ

2 Baami 19:1

Mwaami Esekiya ndyaakanyumfwa makani ayo, wakakwamoona shakufwala shakwe kubuumba, wafwala lisaka akuya kuŊanda yakwe Lesa.

2 Makani 20:3

Mpeeke Jeoshafati wakafwa boowa akutalika kupaila kuMwaami Lesa kwaamba ayi amutanjilile. Lyalo wakaambila bantu boonse mucishi ayi balikaashe kulya.

Esila 8:21

Ono kulya kuMulonga wa Aafa ndakapa mulawo wakwaamba ayi soonse tulikaashe kulya alimwi akuliceesha pameenso a Lesa wesu, kumusenga kututanjilila mulweendo lwesu alimwi akutufuna swebo abana besu pantu pomwi ashintu shesu shoonse.

Esita 4:1

Ono Modekayi ndyaakanyumfwa shoonse shakacitwa, wakakwamoona shakufwala shakwe ceebo ca buumba, wafwala masaka, wanana milota akwiinda mundabala ya Susa kaalila cakooloma alimwi cakucisa moyo abuumbi.

Kulonga 33:6

Aboobo ndibakaswa paKalundu ka Sinayi, bene Isilaeli bakacileka kufwala shakulibotesha shabo.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Jelemiya 36:9

Ono mumweenshi wasanu ayone mumwaaka wasanu wa bwaami bwakwe Jeoiyakimu mwanaakwe Josiya mwaami wa bene Juda, bantu bakalikasha kulya kunembo lya Mwaami Lesa. Kulikasha kulya uku kwakacitwa abantu boonse bekala muJelusalemu alimwi aboonse abo bakaswa mumandabala a mucishi ca Juda.

Jelemiya 42:1

Mpomunyaawo bamatanjilili ba makoto a bashilumamba boonse, kubikaawo aJoanani mwanaakwe Kaleya aJesaniya mwanaakwe Oshaya pantu pomwi abantu boonse, nkokwaamba ayi bantu bataaku mbobabete kuya mukushika akubaabo balemekwa bakanyendela nebo neJelemiya.

Jelemiya 42:8

Mpeeke ndakeeta Joanani mwanaakwe Kaleya abamatanjilili ba bashilumamba boonse mbwaakalingaabo, pantu pomwi abantu boonse kutalikilabo kubantu bataaku mbobabete kuya mukushika akubaabo balemekwa.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Jowelo 1:14

Amwaambilishe ayi mbushiku bwakulikasha kulya akwiita bantu ayi babungane pantu pomwi. Amwiite bamaloba abantu boonse bekala mucishi ca Juda kwaamba ayi baye kuŊanda yakwe Lesa, Lesa wanu kuya mukulila kuli nguwe.

Jona 3:7

Kuswawaawo, bakatuma nkombe kubene Ninife ayi, “Inkombe iyi yaswa kumwaami abamaloba bakwe. “Kutabi muntu weelete kulya nabi kunwa cili coonse, alimwi taaku litanga lya shifubwa lyeelete kulya, nabi kunwa maanshi.

Mateyo 12:41

Pabushiku bwakoomboloshekwa, bene Ninife balaakumushinina, ceebo balo bakasanduka kuswa kushibiibi shabo ndyaakabashimikila Jona. Sombi pano mpwaali wiinda Jona!

Luka 11:32

Pabushiku bwakoomboloshekwa, bene Ninife balaakumushinina ceebo balo bakasanduka kuswa kushibiibi shabo ndyaakabashimikila Jona. Sombi pano mpwaali wiinda Jona!

Milimo ya Batumwi 27:25

Aboobo nobeensuma, amukalike myoyo mukwiinga ndashoma muli Lesa ayi shoonse nshaamba shitoocitika bweenka mbwaamba.

Milimo ya Batumwi 8:10

Aboobo bantu boonse, banike abanene, bakalinga kumulemeka akumunyumfwila. Bakalinga kwaamba ayi, “Simoni ninkusu shakwe Lesa, shiitwa ayi, ‘Nkusu Shiindaawo.’ ”

Bene Ebulu 11:1

Kushoma nkutatonsha munshintu nshetutoolangila alimwi akushinisha ayi shintu nshetutaboni nkoshili cancinencine.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

Ciyubululo 11:3

Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”