Jona 2:4 - Baibo Busansulushi Bwa Libuku Ili

⁴ Ndakaamba ayi, ‘Ndatandaanishikwa pameenso anu, nakubi boobo, ndaakulangilisha alimwi kuŊanda yanu isalalite.’

Jona 2:4 ပူးပေါင်းရင်းမြစ်များ

1 Baami 8:42

mukwiinga bantu balaakunyumfwa mpuwo yanu ashintu shinene isho nshemwakacita kubantu banu,

1 Baami 8:48

Na basanduka camoyo woonse kuswa kushibiibi shabo mucishi ico cabusha akupaila kabalangite kucishi cino ncemwakapa bamashali besu bakulukulu, ndabala ino njemwakasala alimwi aŊanda yanu iyo njendakamuyakila,

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

2 Makani 6:38

Na basanduka camoyo woonse kuswa kushibiibi shabo mucishi ico cabusha akupaila kabalangite kucishi cino ncemwakapa bamashali besu bakulukulu, ndabala ino njemwakasala alimwi aŊanda yanu iyo njendakamuyakila,

Kulumbaisha 31:22

Ndakaloonda akwaamba ayi, “Ono wantandilabo limwi kuya kulaale anguwe.” Sombi wakanyumfwa kulila kwangu, ndindakasenga lucafwo kuli nguwe.

Kulumbaisha 42:8

Sombi Mwaami Lesa ulatolelela kutondesha lusuno lwakwe lutamaani bushiku abushiku. Nceceeco anebo lyoonse ncemwiimbila nyimbo, kupaila Lesa uyo umpa buumi buno mbooncite.

Kulumbaisha 5:7

Sombi mulusuno lwanu lunene ndakonsha kwinjila muŊanda yanu, ndakonsha kulambila muŊanda yanu Isalalite, akukotamina ndimwe mukumulemeka.

Kulumbaisha 88:6

Mwakambika panshi peene mucuumbwe, ee, mucilindi cilaamfu muli munshinshe ushiya mbi.

Kulumbaisha 88:7

Bukali bwanu bwawita pali ndime, bwamfwekelesha anga ngamaaba a mulweenge.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Isaya 49:14

Sombi bantu ba muSiyoni bakaamba ayi, “Mwaami Lesa wakatufutatila, ee, Mwaami Lesa watulubaako.”

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 7:15

Ndaakumutanda kuswa pameenso angu bweenka mbuli mbondakacita bamakwabanu bene Efuleemu. Nebo neMwaami Lesa ndaamba!”

Malilo 3:54

Maanshi akamfwekelesha, lyalo ndakayeeya ayi ono ndolufu lwangu.

Esekelo 37:11

Mpeeke Mwaami Lesa Shinkusu shoonse wakandwiita ayi, “Webo omuntu, mafuwa aya ngumushobo wa bene Isilaeli woonse. Balo balaamba ayi, ‘Mafuwa esu akayuma, kulangila kwesu kwakamaninina. Ncakwiila twanyonyooka cakumaninina.’

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Jona 2:7

“Ndindakanyumfwa ayi ntooya citula moyo, ndakapaila kuli ndimwe noBaami baLesa, alimwi mwakanyumfwa mupailo wangu muŋanda yanu isalalite.