Jona 2:2 - Baibo Busansulushi Bwa Libuku Ili

² “NoBaami baLesa, mumapensho angu, ndakapaila kuli ndimwe alimwi mwakanyumfwa. Kuswa mwiine mumusena wa bafu ndakasenga lucafwo, alimwi mwakanyumfwa kusenga kwangu.

Jona 2:2 ပူးပေါင်းရင်းမြစ်များ

2 Makani 33:12

Mukupenga kwakwe wakaliceesha akusandukila kuMwaami Lesa, Lesa wakwe akumusenga ayi amucaafwe.

Kulumbaisha 116:3

Toose twa lufu twakalinga kunshingulukite, shiyoosha sha mumusena wa bafu shakaba pali ndime. Mapensho akuungumana shakalinga shantentula.

Kulumbaisha 120:1

Ndalilila Mwaami Lesa mumapensho angu, ncakwiila alakwe ulancafwa.

Kulumbaisha 16:10

Mukwiinga teshi mukandekeleshe ayi nkanoolibo mumusena wa bafu, nabi kulekelesha Usalalite wanu ayi abole.

Kulumbaisha 22:24

Mwaami Lesa taasuuli bakandu, nabi kusuula mapensho abo. Tabafutatiliiwo napaceyi, sombi ulabanyumfwila ndibasenga lucafwo.”

Kulumbaisha 34:6

Mupenshi ndyaakasenga, Mwaami Lesa wakamukumbula akumanisha mapensho akwe oonse.

Kulumbaisha 4:1

Kamunkumbula ndimpaila nobaLesa baluleme. Ndindakalinga mumapensho, mwakancafwa. Ono amube aluse pali ndime akukumbula mupailo wangu.

Kulumbaisha 61:2

Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.

Kulumbaisha 65:2

Mwebo ndimwe mukumbula mipailo. Aboobo boonse balaakwisa kuli ndimwe.

Kulumbaisha 86:13

Lusuno lwanu lutamaani ndunene. Mwakamfuna ayi ntayi kumusena wa bafu.

Isaya 14:9

“Ncakwiila musena wa bafu walibambila kukutambula. Weemika mishimu ya baabo bakafwa kale kale, ee, mishimu ya baabo boonse bakalinga bamatanjilili kwaamba ayi ikwaanshe. Ee, weemika boonse abo bakalinga bamaami kuswa pashuuna shabo sha bwaami.

Malilo 3:55

Ndakeeta liina lyanu noBaami baLesa kuswa panshi peene pacilindi.

Esekelo 26:20

Ndaakukutuma kumusena wa bafu kuya mukuba pantu pomwi abaabo bakafwa kalekale. Ndaakukulengesha kuya mukwikala kunshi lya cishi mumatongo akulukulu mukusenkana abafu. Aboobo bantu teshi bakekale tubili muli ndiwe nabi webo kuboola mucishi ca bantu boomi.

Esekelo 31:14

Paceebo ceeco taakuuwo shisamu shimwi shili kufwaafwi amaanshi sheshi shikalaampe mbuli ceeco alimwi mukushika mumakumbi. Taaku cisamu cimwi citililwa kabotu ceshi cikalaampe mbuli cisamu ico. Shoonse shilaakufwa bweenka bufwa bantu, ee, bweenka buya baabo baya kumusena wa bafu.’ ”

Mateyo 12:40

Ceebo bweenka mbuli Jona mbwaakalinga mulifumo lya nswi inene inshiku shotatwe, alakwe MwanaaMuntu ulaakwikala nshiku shotatwe mucuumbwe.

Luka 11:10

Ceebo uyo woonse usenga ulapekwa, awooyo ulangoola ulacana, alakwe ukonkoonsha ulacalwitwa.

Luka 22:44

Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]

Milimo ya Batumwi 2:27

Mukwiinga teshi mukandekeleshe ayi nkanoolibo mumusena wa bafu, nabi kundekelesha neMusebenshi wanu Usalalite ayi mbole.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

1 Samwelo 1:16

Mutayeeyi ayi ndimwanakashi utaaku mbwaabete. Ndalinga kupaila mushobo uyu ceebo ndyuungumene abuumbi.”

1 Samwelo 30:6

Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.