Jona 1:6 - Baibo Busansulushi Bwa Libuku Ili

⁶ Mpomunyaawo munene wa beshikweensha bwaato wakamucana umo akumwaambila ayi, “Ulilete webo? Buka usenge lucafwo kuli lesa wako! Mpashi inga watunyumfwila nkumbu ayi tutafwi.”

Jona 1:6 ပူးပေါင်းရင်းမြစ်များ

2 Samwelo 12:22

Mpomunyaawo Defedi wakabakumbula ayi, “Mwaana kaacili muumi ndakalikasha kulya akulila buumpute, mukwiinga ndakalinga kuyeeya ayi mpashi Mwaami Lesa inga waba aluse pali ndime, akulengesha mwanaangu ayi atafwi.

Esita 4:16

“Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”

Kulumbaisha 107:6

Lyalo bakalilila Mwaami Lesa ceebo ca mapensho abo. Ncakwiila alakwe wakabafuna kuswa mubuumba bwabo.

Kulumbaisha 78:34

Ono kulilabo na wacaya bamwi, beenga bacalaawo bakalinga kusandukila kuli nguwe akumulambila.

Isaya 3:15

Anu mutooyeeya ayi ndimwe baani pakulyatilila bantu bangu akunoolita masuku pamitwi ya bakandu?” Ubo mbwaatokwaamba Mwaami Lesa, ee, Mwaami Lesa Shinkusu shoonse.

Esekelo 18:2

“Anu mwebo nobantu mulaambanshi ndyemwaamba kashimpi aka pacishi ca Isilaeli? ‘Minyansa isasamwita yalya bamashali, ilashiya kusasamwita kwa njiyo mumilomo ya bana babo.’

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Jona 3:8

Sombi muntu uli woonse alifweke masaka alimwi akufweka shifubwa shoonse. Woonse muntu ulyeelete kufwambaana kupaila kuli Lesa akuleka bubi bwakwe, alimwi amibo itabete kabotu.

Jona 3:9

Mpashi Lesa inga wapilula miyeeyo abukali bwakwe kwaamba ayi tukabule kufwa!”

Milimo ya Batumwi 21:13

Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.”

Bene Loma 13:11

Aboobo mulyeelete kucita sheeshi mukwiinga mulishi kwaamba ayi ciindi cakubuka kuswa mutulo cashikila. Ncakwiila bushiku Lesa ndyeshi akatupulushe bwasenena kwiinda nditwakashomabo.

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”