Jona 1:5 - Baibo Busansulushi Bwa Libuku Ili

⁵ Beshikweensha bwaato bakaloonda abuumbi akutalika kusenga lucafwo womwi awomwi kuswa kuli lesa wakwe. Ono kwaamba ayi boobye bwaato ubo, bakawaala shintu mulweenge. Sombi Jona wakalinga mucipinda cimwi ca panshi, kaali mutulo.

Jona 1:5 ပူးပေါင်းရင်းမြစ်များ

1 Baami 18:26

Lyalo bakabwesa mucende uyo wakaletwa kuli mbabo, bakamubamba. Mpeeke bakatalika kupaila kuli Baali kushikila lisuba ndilyakashika pakati ka mutwi. Bakalinga koolobesha ayi, “NobaBaali mutukumbule!” Bakalinga kushana kabashinguluka cipaililo ncebakayaka. Sombi taakuuwo cakacitika. Baali taakwe kubakumbulaawo.

Jobo 2:4

Satana wakakumbula ayi, “Muntu ulakonsha kupa shintu shoonse nshaacite kwiinda kufwa.

Kulumbaisha 107:25

Wakaambabo liswi, lyalo cipuupu cinene cakatalika. Cipuupu ico cakanyamuna maaba palweenge.

Kulumbaisha 148:8

Amumulumbaishe mwebo nokubeka kwa mfula, nomfula ya mabwe, nocaandwa, nomakumbi alimwi anomyuuwo iyoosha inyumfwila milawo yakwe.

Shikushimikila 3:6

Kuli ciindi cakuyandoola aciindi cakucileka. Kuli ciindi cakusunga aciindi cakusowa.

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Jelemiya 2:28

Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”

Osiya 7:14

Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.

Jona 1:14

Mpomunyaawo bakapaila kuMwaami Lesa ayi, “NoBaami baLesa, twaseenga mutatuleeki ayi tufwe mukwiinga twacaya muntu uyu utacite mulandu. Ceebo noBaami baLesa ndimwe mwalengesha ayi shoonse ishi shicitike.”

Jona 1:16

Paceebo ceeci beshikweensha bwaato bakaloonda akulemeka Mwaami Lesa, aboobo bakabenga mulambu kuli nguwe akumulasha cakulumbila ayi balaakunoomusebensela.

Jona 1:6

Mpomunyaawo munene wa beshikweensha bwaato wakamucana umo akumwaambila ayi, “Ulilete webo? Buka usenge lucafwo kuli lesa wako! Mpashi inga watunyumfwila nkumbu ayi tutafwi.”

Mateyo 25:5

Ceebo shibwiinga wakacelwa kwisa, boonse bamyooye bakatalika kushinshila kushikila baya amutulo.

Mateyo 26:43

Ndyaakaboola alimwi, wakacana balilete ceebo shikoye shabo shakalinga kulemete kutulo.

Mateyo 26:45

Lyalo wakaboolela kubashikwiiya bakwe akubaambila ayi, “Sa abobulya mucilete akunocookesha? Amubone, ciindi cashikila, MwanaaMuntu ono utokwaabwa mumaansa a bamucita shibi.

Milimo ya Batumwi 27:38

Ndibakakuta boonse, bakawaala witi mumaanshi wakalinga wacaala mubwaato ayi buube.

Boomboloshi 16:19

Lyalo wakamufukatisha akumooneka pamabelo akwe akwiita muntu ayi ese amucese shaandaŋombe isho shosanwe ashobilo. Lyalo wakatalika kumuwela ceebo nkusu shakwe shakamushiya.

1 Samwelo 24:3

Ndibakashika pafwaafwi ashaanda sha mbelele pamwi munshila, pakalinga acimfwengo umo Saulo mwaakanjila ayi alicafwilishe. Anu mucimfwengo mweenka umo, mukati mwiine, Defedi abashilumamba mobakalinga.