Jona 1:14 - Baibo Busansulushi Bwa Libuku Ili

¹⁴ Mpomunyaawo bakapaila kuMwaami Lesa ayi, “NoBaami baLesa, twaseenga mutatuleeki ayi tufwe mukwiinga twacaya muntu uyu utacite mulandu. Ceebo noBaami baLesa ndimwe mwalengesha ayi shoonse ishi shicitike.”

Jona 1:14 ပူးပေါင်းရင်းမြစ်များ

Matalikilo 9:6

Muntu wakalengwa mucikoshanyo cangu, aboobo muntu uli woonse ucaya umwi, alakwe muntunyina ulaakumucaya.

Kulumbaisha 107:28

Lyalo bakalilila Mwaami Lesa ceebo ca mapensho abo. Ncakwiila alakwe wakabafuna kuswa mubuumba bwabo.

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 135:6

Ulacita cili coonse ncaasuni kwiculu nabi pacishi ca panshi. Ndushinisho ulashicita mulweenge apanshi peene pandulo.

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

Jona 1:13

Nakubi boobo, beshikweensha bakeelesha abuumbi ayi batape akuboola kwitala. Sombi bakaalilwa, ceebo maaba akalinga kuya cikomenenaako.

Jona 1:16

Paceebo ceeci beshikweensha bwaato bakaloonda akulemeka Mwaami Lesa, aboobo bakabenga mulambu kuli nguwe akumulasha cakulumbila ayi balaakunoomusebensela.

Jona 1:5

Beshikweensha bwaato bakaloonda abuumbi akutalika kusenga lucafwo womwi awomwi kuswa kuli lesa wakwe. Ono kwaamba ayi boobye bwaato ubo, bakawaala shintu mulweenge. Sombi Jona wakalinga mucipinda cimwi ca panshi, kaali mutulo.

Jona 3:8

Sombi muntu uli woonse alifweke masaka alimwi akufweka shifubwa shoonse. Woonse muntu ulyeelete kufwambaana kupaila kuli Lesa akuleka bubi bwakwe, alimwi amibo itabete kabotu.

Mateyo 11:26

Ncakwiila Ta, mwebo mwakacita kweelana akuyanda kwanu.

Milimo ya Batumwi 28:4

Bantu abo ndibakabona nsoka keeleleela kulyaansa lyakwe Paulo, bakalyaamboosha beene abeene ayi, “Musankwa uyu ncakwiila ngumucayi. Nakubi kwaamba ayi wapuluka palweenge, sombi lesa wiitwa ayi Bululami taasuni kwaamba ayi abe abuumi.”

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Dutolonomi 21:8

NoBaami baLesa, amulekelele bantu banu bene Isilaeli abo mbomwakakusha mucishi ca Ijipiti. Amutulekelele alimwi mutatupi mulandu wakucaya muntu utakwe kubisha.’