Jobo 9:7 - Baibo Busansulushi Bwa Libuku Ili

⁷ Lesa ulicite nkusu shakukasha lisuba ayi litaswi, alimwi akukasha nyenyeenshi ayi shitaboneki.

Jobo 9:7 ပူးပေါင်းရင်းမြစ်များ

Jobo 37:7

Ulalengesha bantu boonse kuleka kusebensa kwaamba ayi muntu woonse uyo ngwaakalenga eshibe milimo yakwe.

Isaya 13:10

Nyenyeenshi shoonse mwiculu shilaakucileka kubala. Lisuba pakuswa lilaakushiyishikwa, awalo mweenshi teshi ukape mumuni wa nguwo.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Amosi 8:9

Pabushiku ubo ndaakulengesha lisuba kutabala lyakuba pakati ka mutwi akulengesha kuba munshinshe kalicilibo malumwi. Nebo neMwaami Lesa Shinkusu shoonse ndaamba.

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Joshuwa 10:12

Ono pabushiku ubo Mwaami Lesa ndyaakalengesha ayi bene Amoli bakomwe kubene Isilaeli, Joshuwa wakaamba aMwaami Lesa pameenso abene Isilaeli ayi, “Olisuba, imikana pandabala inene ya Gibyoni. Omweenshi, imikana paCinyika ca Aijaloni.”

Joshuwa 10:13

Ncakwiila lisuba lyakeemikana, awalo mweenshi tookwe kweendaawo kushikila mushobo wa bene Isilaeli wakakoma balwani ba nguwo, kweelana ambokulembetwe mulibuku lyakwe Jasha. Lisuba lyakeemikana kalili pakati ka mutwi mwiculu, alimwi pabushiku ubo boonse talikwe kuwa.