Jobo 9:12 - Baibo Busansulushi Bwa Libuku Ili

¹² Ulabwesa coonse ncaasuni kwakubula aumukasha. Anu ngani weenga wamwiipusha ayi, ‘Utoocitaanshi?’

Jobo 9:12 ပူးပေါင်းရင်းမြစ်များ

2 Samwelo 16:10

Sombi mwaami wakaamba ayi, “Mwebo nobana bakwe Seluiya tamubeteko lubasu kumakani aya. Na utooncobola ceebo cakwaamba ayi Mwaami Lesa wamulwiita boobo, ngani ucite nkusu shakumwiipusha ncaatoocitila boobo?”

Jobo 1:21

“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”

Jobo 10:7

Mulishi kwaamba ayi nshicite mulandu alimwi taaku ukonsha kumfuna kuswa mumaansaanu.

Jobo 11:10

“Ono na Lesa wakucata akukoombolosha, anu ngani weenga wakonsha kumukasha?

Jobo 23:13

“Anu ngani weenga wakonsha kupilulula Lesa? Lakwe ulacita kulilabo nshaasuni mwiine.

Jobo 33:13

Ceebonshi utootongookila Lesa mukumutongookila ayi taatookukumbula?

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Shikushimikila 8:4

Cintu ceenga caamba mwaami cilaba bweenka ubo ceebo ulicite nkusu, ino ngani weenga wamwaambila ayi, “Nciinshi ncemutoocita nobaami?”

Isaya 43:13

Ncakwiila ndi Lesa kuswabo kale kale. Taaku muntu nabi womwi ukonsha kupusumuka mumaansa angu alimwi ncendacita taaku muntu ukonsha kucisandula.”

Isaya 45:9

Mapensho kumuntu upikishanya awooyo wakamubumba ceebo lakwe ulibo anga cikaye ca nongo pakati ka shimwi shoonse. Ono sa bulongo inga bwaambila shikubumba ayi, “Anu utoobumbanshi?” Sa nongo inga yamwaambila ayi, “Toocitewo buuya?”

Jelemiya 18:6

“Mwebo nobene Isilaeli, sa inga nshimuciiti bweenka mbwaacita mubumbi uyu? Bweenka mbuli bulongo mumaansa a mubumbi amwebo mbomubete kuli ndime.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Mateyo 11:26

Ncakwiila Ta, mwebo mwakacita kweelana akuyanda kwanu.

Mateyo 20:15

Sa nsheelete kucita mbuli mboonsuni pabuboni bwangu? Mpashi wamfwita munyono mukwiinga nshisalululi pakupa?’ ”

Bene Loma 11:34

Bweenka bwaamba Malembo akwe Lesa ayi, “Anu ngani ushi Lesa mbwaayeeya? Ngani weenga wapanda maano Lesa?

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.