Jobo 8:9 - Baibo Busansulushi Bwa Libuku Ili

⁹ Swebo tulibo bacilo, aboobo taaku ncetwishi, nshiku shesu pacishi ca panshi shilibo anga ncimfule ciindilite.

Jobo 8:9 ပူးပေါင်းရင်းမြစ်များ

Matalikilo 47:9

Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.”

1 Makani 29:15

NoBaami baLesa mulishi kwaamba ayi mubuumi tuli anga mbeensu beendilite bweenka mbocakaba kubamashali besu bakulukulu. Inshiku shesu shili anga nshimfule shitokweenda alimwi lufu tatukoonshi kuluyuba.

2 Makani 10:6

Lyalo mwaami Leoboamu wakeepusha baabo bakalinga kupanda maano Solomoni ishi ayi, “Ino mumiyeeyo yanu bantu aba inga ndabakumbula ayinshi?”

Jobo 14:1

“Anu muntu ushalwa kumwanakashi taaku mbwaabete. Ulicitebo nshiku shiniini shiswite mapensho.

Jobo 14:2

Ulakula anga ndiluba linefuma kwaciindi ciniini akunyana. Ee, buumi bwakwe bulibo anga ncimfule ico cishiminganashiminganabo.

Jobo 32:7

Nebo ndalinga kuyeeya ayi bamanene mbobeelete kwaamba ceebo tulaamba ayi, ‘Munene mushiye kulubilo, sombi kumaano inga toomushiyi.’

Jobo 7:6

“Nshiku shangu shileenda lubilo kwiinda cakupombeleshako busalu. Shileenda lubilo akweela cakubula kulangila bubotu.

Jobo 8:10

Bakulukulu basongo abakwiishe, ukutikishe balo mbobakalinga kwaamba.

Kulumbaisha 102:11

Ncakwiila nshiku shangu shili anga ncimfule ca macolesha. Ee, ndaba anga mbwiisu buyumu.

Kulumbaisha 102:12

Sombi noBaami baLesa, muli Baami kwamuyayaya, bamumashalane boonse balaakumwiibaluka lyoonse.

Kulumbaisha 144:4

Muntu ulibo anga nkuyoya kwa linkanda lyomwi. Nshiiku shakwe shilibo anga ncimfule ciindilite.

Kulumbaisha 39:5

Inshiku sha buumi bwangu mwashifwiimpisha, Myaaka ya buumi bwangu njiniini abuumbi pameenso anu. Ncakwiila buumi bwa muntu uli woonse buli anga nkuyoya kwalinkanda lyomwi.

Kulumbaisha 82:5

“Taaku ncemwishi alimwi tamucite lushibo. Muleenda mumunshinshe uyoosha uku lwiimbi lwa cishi ca panshi kalutenkaana.

Kulumbaisha 90:4

Myaaka cuulu ili anga mbushiku bomwi pameenso anu. Ilaboneka anga mbushiku bweenda kale, nabi anga nciindi ciniini mashiku.