Jobo 7:9 - Baibo Busansulushi Bwa Libuku Ili

⁹ Bweenka mbuli likumbi mbolisunguluka akumana, mbweeke ubo alakwe uya mucuumbwe mbwaalobelabo limwi.

Jobo 7:9 ပူးပေါင်းရင်းမြစ်များ

2 Samwelo 12:23

Ono bulya mbwaafwa inga ndalikashishanshi kulya? Sa inga ndamubusha ayi abe muumi alimwi? Sobwe, nebo ndimenshi nkaye nkwaaya, sombi lakwe taakoonshi kuboola kuli ndime.”

2 Samwelo 14:14

Soonse tulyeelete kufwa. Ono nditufwa buumi bwesu bulababo anga ngamaanshi apukulwa atakonshaniki kuyolwa. Lesa lakwe taanyayi buumi, sombi ulalangoola nshila yakuboosha mwanaakwe kuswa mucishi ncaakalobokelaako.

Jobo 10:21

Nsangalaleewo kaantana kuya kutaboolwa, ee, kumusena uko kutaaku mumuni nooceyi.

Jobo 11:8

Busongo bwakwe mbulaamfu kwiinda peela liculu, ono webo inga wacitanshi? Kuya panshi buleendilila pamusena wabafu, ono webo inga weshibanshi?

Jobo 16:22

“Ndacaashabo myaaka iniini kwaamba ayi ntole nshila itaboolwa.

Jobo 17:13

Ono nceentoolangilabo nkuya mumusena wa bafu. Uko ndaakoona mumunshinshe.

Jobo 17:16

Sa kulaakuya anebo mucuumbwe? Sa ndushinisho ndaakuya andulo mubulongo?”

Jobo 3:13

Nendakasansulwa, naakwiinga sunu nshintoopenga. Ncakwiila naakwiinga ndiletebo tontolo

Jobo 30:15

Paceebo ceeci boowa bwancata cine, bulemu bwangu bwakayabo anga bwatolwa amuuwo. Kuswitilila kwangu kwashiminganabo anga ndikumbi.

Jobo 37:11

Ulalengesha makumbi kusula maanshi akulengesha kubeka mumakumbi ayo moonse.

Kulumbaisha 39:13

Amundekeeko ngumwewo muuwo kaantana kufwa, ee, kaantana kushimingana akuloba.

Isaya 26:14

Ono bulya balifwite, ncakwiila tabacibete boomi. Teshi bakabukeewo musongo ceebo mwebo mwabapa mulandu akubanyonyoola. Ndushinisho taaku eshi akabeebalukeewo tubili.

Isaya 38:11

Ndakalinga kuyeeya ayi bulya nebo taaku kubonanaawo aMwaami Lesa, ee, kubonanaawo anguwe mucishi cino ca boomi. Abalo bantu bacili boomi nebo taaku kubonanaabo tubili nabi kwikala pakati kabo mucishi cino.