Jobo 7:1 - Baibo Busansulushi Bwa Libuku Ili

¹ “Sa te buumi bwa muntu mbuyumu pacishi ca panshi? Sa te nshiku sha buumi bwakwe shili anga nsha musebenshi?

Jobo 7:1 ပူးပေါင်းရင်းမြစ်များ

Jobo 10:17

Mulaleta bakamboni banu ciindi coonse mukundwana. Bukali bwanu kuli ndime butooya bufulilakobo. Ciindi coonse muli beshikuyeeyabo bwakumpensha.

Jobo 14:1

“Anu muntu ushalwa kumwanakashi taaku mbwaabete. Ulicitebo nshiku shiniini shiswite mapensho.

Jobo 5:7

Sombi muntu lakwe ulashalilwa mapensho bweenka mbuli mulilo mbootolooka kuya mwiculu.

Jobo 7:2

Shilibo anga nsha musha utoolilila cimfule. Ncakwiila shili anga nsha musebenshi utoolindilila kufola.

Kulumbaisha 39:4

“NoBaami baLesa, amumboneshe kweela buumi bwangu. Ee, mbone kuceya kwa nshiku shangu. Anshibe kufwiimpa kwaciindi ca buumi bwangu.”

Shikushimikila 8:8

Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.

Isaya 16:14

Ono bulya Mwaami Lesa waamba ayi, “Na peendebo myaaka yotatwe ikwene, bulemu bwa cishi ca Moabu bulaakumana. Abalo bantu beshi bakapuluke mbakubalabo, nakubi boobo abalo balaakunoomanite cakuwabo akumuuwo.”

Isaya 21:16

Mpeeke Mwaami Lesa wakandwiita ayi, “Mwaaka womwi wakwanabo, kulisumpula kwa mishobo ine Keda kunanoomanite bweenka bumana cipangano cakusebensa ca mwaaka womwi.

Isaya 38:5

“Boola kuli Esekiya, uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ndaakukunungilaako myaaka ili likumi ayosanwe.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Bene Lefi 25:50

Ulyeelete kubandika awooyo wakamuula, akubelenga myaaka kuswa ciindi ndyaakalyuulisha kushikila amuMwaaka wa Lwaanguluko. Mpeeke malipilo a kwaangululwa kwakwe alyeelete kuba mumweelo wa maali afola musebenshi.

Dutolonomi 15:18

Citakanoomucisa pakwaangulula musha. Mulyeelete kwishiba ayi ncito njaacita mumyaaka yosanwe awomwi ileenda payeeyo musebenshi ulipilwa maali njaaelete kucita. Mukanoocita mbomunya ubo kwaamba ayi Mwaami Lesa, Lesa wanu akamupe coolwe mumilimo yanu yoonse.