Jobo 6:11 - Baibo Busansulushi Bwa Libuku Ili

¹¹ “Ino ninkusunshi nsheencite kwaamba ayi kancilindila? Ino ndaakucanamonshi mubuumi ubu nabi nkakatile?

Jobo 6:11 ပူးပေါင်းရင်းမြစ်များ

Jobo 10:20

Sa te bulya buumi bwangu bwaya kumateelo? Amundeeke nsangalaleewo muciindi ici ciniini cicaalite.

Jobo 13:25

Sa inga kamupensha ndime nemuntu ulibo anga nditewu kuuba? Ee, mutoolwana muntu ulibo anga mbuungu buululukabo kumuuwo.

Jobo 13:28

Ono mbulya ntoosekemukabo anga ncisamu cabola, ncakwiila kubabo anga ncakufwala calikwa tubambala.

Jobo 17:1

Moyo wangu watyongooka, nshiku shangu shaceyeshekwa. Ee, cuumbwe citoonindila.

Jobo 17:13

Ono nceentoolangilabo nkuya mumusena wa bafu. Uko ndaakoona mumunshinshe.

Jobo 21:4

“Sa nebo ntoopikishanya amuntubo? Ndishi ncentoobulila kukalikila moyo nemwiine.

Jobo 26:2

“Wakacafwa buyani nebo nemuntu utacite nkusu? Nducafwonshi ndowakapa nemuntu upengete ulefukite?

Jobo 6:12

Sa ndi muyumu anga ndibwe? Sa mubili wangu ngwa bulonse?

Kulumbaisha 102:23

Mwaami Lesa wakantyoloola mushiso kaancilibo mwanike, wakafwiimpya nshiku sha buumi bwangu.

Kulumbaisha 39:4

“NoBaami baLesa, amumboneshe kweela buumi bwangu. Ee, mbone kuceya kwa nshiku shangu. Anshibe kufwiimpa kwaciindi ca buumi bwangu.”

Kulumbaisha 39:5

Inshiku sha buumi bwangu mwashifwiimpisha, Myaaka ya buumi bwangu njiniini abuumbi pameenso anu. Ncakwiila buumi bwa muntu uli woonse buli anga nkuyoya kwalinkanda lyomwi.