Jobo 5:5 - Baibo Busansulushi Bwa Libuku Ili

⁵ Beshinsala balalya shishango shakwe, kubwesela kumwi ashimena mumyuumfwa. Ncakwiila beshinyotwa balakumbwa buboni bwakwe.

Jobo 5:5 ပူးပေါင်းရင်းမြစ်များ

2 Makani 33:11

Kuswawaawo Mwaami Lesa wakaletela bamatanjilili ba bashilumamba ba bene Asilya ayi balwane bene Juda. Mpeeke bakacata Manase busha. Bakamubika ndobo munshono yakwe, bamwaanga ncetani sha bulonse akumutola kuBabiloni.

Jobo 1:15

Mpeeke bene Sabeya besa mukushiipa shoonse. Bacaya basebenshi banu boonse akushiyoobo ndime. Ndime ndacicabo akwisa mukumulwiita shacitika.”

Jobo 1:17

Kacaamba uyo, aumwi wakapola akwaamba ayi, “Makoto otatwe a bene Kaludeya esa mukutulwana akubwesa ngamela shanu. Bacaya abasebenshi banu boonse. Ndime ndacicabo akwisa mukumulwiita shacitika.”

Jobo 12:6

Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.

Jobo 2:3

Mpomunyaawo Mwaami Lesa wakeepusha Satana ayi, “Sa wabonaawo musebenshi wangu Jobo? Ngumuntu utacite kampenda, ululeme, undemeka alimwi ushomeka kuli ndime. Nakubi kwaamba ayi wakanyungoola ayi nkuleeke umupeenshe pataapu ceebo, Jobo ucishomekabo bweenka mbuli kataanshi.”

Jobo 20:15

Lyalo ulaakuluka bubile mbwaakamina. Lesa ngweshi akalengeshe ayi aluke bubile ubo mbwaakeepa.

Jobo 20:22

Kaacibilite, mapensho alaakumupolela. Ncakwiila buumba buyoosha bulaakumusakata.

Jobo 22:10

Nceceeci ncewateyelwa mikoti koonse koonse, alimwi cakuteengashila boowa bunene bwakucata.

Kulumbaisha 109:11

Uyo ngwaakakongweta aakamunyaye shoonse nshaacite, beensu abakasaale shoonse isho nshaakayuwila.

Isaya 62:8

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.

Jelemiya 51:34

Bene Jelusalemu baamba ayi, “Nebukadinesa mwaami wa bene Babiloni wakatumana. Watulengesha kufulungana akutusandula kuba nongo itacite cintu. Watuminabo anga ninsato akususha lifumo lyakwe ashoonse nshaakalinga kusuni. Lyalo wakashipulula mbwaatakalinga kusuni.”

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Malilo 2:16

Balwani bako boonse batookucelebula akukulangilisha cakukupata. Batookushibuluka akulumanya meeno akwaamba ayi, “Tweelobya. Ubu mbobushiku mbotwakalinga kulindilila. Ndushinisho twakalinga kubulangila ayi tukabuboone.”

Malilo 2:5

Mwaami Lesa wakanyonyoola Isilaeli bweenka mbuli mulwani. Ee, wakamana kunyonyoola maanda a bwaami ashiyubilo sha mumo shoonse. Ncakwiila wakanungilako kulila akuungumana mucishi ca Juda.

Osiya 8:7

“Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.

Dutolonomi 28:33

Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.

Dutolonomi 28:51

Balaakulya baana ba shifubwa shanu, shishango sha mucishi canu kushikila mukanyonyooke. Taaku shakulya shili anga ngamaila nsheshi bakamushiile, waini, mafuta a olifi, boombe nabi bana ba mbelele, kushikila noonse mukaloobe.

Boomboloshi 6:11

Mpomunyaawo munjelo wa Mwaami Lesa wakesa akwikala munshaamubanga kuOfula. Mushi uyu wakalinga wakwe Joashi mwine Abiyesa. Ono Gidyoni mwanaakwe Joashi ndyaakalinga kulupula witi mucilindi cakutyaninamo minyansa kuloondesha bene Midyani,