Jobo 5:14 - Baibo Busansulushi Bwa Libuku Ili

¹⁴ Balaba mumunshinshe ciindi ca malumwi akutalika kupampanshapampansha anga ndimashiku.

Jobo 5:14 ပူးပေါင်းရင်းမြစ်များ

Jobo 12:25

Balaashaasha mumunshinshe mutaamu mumuni akubalengesha kutalantanta anga ngucakolwa.

Jobo 15:30

Munshinshe wa lufu teshi akoociceewo. Ulaakuba anga ncisamu ico capitwa misampi. Lyalo cipuupu cinene ciswa kuli Lesa cilaakumupepelusha akumutola.

Jobo 18:18

Ulaakukushikwa mucishi ca boomi, ee, kukushikwa mumumuni akutolwa mumunshinshe.

Jobo 20:26

Shoonse nshaacite shilanyonyoolwa. Mulilo utanyashikwi amuntu ulamutenta, ulatenta ashintu shoonse shili muŋanda yakwe.

Jobo 22:11

Munshinshe wakufwekelesha cakwaamba ayi inga tooboni. Wapila mumapensho anga mumaanshi aanji.

Jobo 24:13

“Kuli bamwi bakaka mumuni, abo batooshiiwo napaceyi alimwi batasuni kuya nkoobatanjilila.

Jobo 38:15

Mumuni wa kumuyamaca ulakasha bamucita shibi kusebensa milimo yabo. Ncakwiila ulabashinkila kunyamuna maansaabo a bucayi.

Kulonga 10:21

Mpeeke Mwaami Lesa wakaambila Mose ayi, “Tandabika lyaansa lyako mwiculu, kwaamba ayi mucishi coonse ca Ijipiti mube munshinshe ulemu.”

Kulonga 10:22

Aboobo Mose wakatandabika lyaansa lyakwe mwiculu, lyalo mucishi coonse ca Ijipiti mwakaba munshinshe ulemu abuumbi kwanshiku shotatwe.

Tushimpi 4:19

Sombi nshila ya bamucita shibi ili anga ngumunshinshe ushiya mbi cakwaamba ayi tabashibi anshebaya bulisuntulaako.

Isaya 59:10

Ono twababo anga mboofu kuya caashaasha muya lubumbu, ee, anga mbantu batalashi kuya cipampanshila motweelete kwiinda. Lumwi lubala tulalisuntula anga ndimashiku. Tuli anga mbantu bali kumusena wa bafu kumunshinshe.

Amosi 8:9

Pabushiku ubo ndaakulengesha lisuba kutabala lyakuba pakati ka mutwi akulengesha kuba munshinshe kalicilibo malumwi. Nebo neMwaami Lesa Shinkusu shoonse ndaamba.

Dutolonomi 28:29

Mwebo mulaakunooshibashiba anga ngumoofu lumwilubala. Mulaakunookwaalilwa kwishiba nkomutooya alimwi teshi mukaswitilile mushintu shoonse nsheshi mukanoocita. Lyoonse mulaakunoonyengelelwa alimwi akwiipilwa, sombi taaku eshi akamufuune.