Jobo 41:10 - Baibo Busansulushi Bwa Libuku Ili

¹⁰ Taakuuwo nabi womwi ucite nkusu shakwaamba ayi inga wamusumuna. Ono ngani uyo weenga weemikana ayi apikishanye anebo neLesa?

Jobo 41:10 ပူးပေါင်းရင်းမြစ်များ

Matalikilo 49:9

Juda uli anga mwanaankalamu, ucaya paya moyo akuboolela mucimfwengo cakwe. Mbuli nkalamu ulabwandama akoona panshi, nabi nkalamu yanakashi, anu ngani weenga wamusonkomona?

Jobo 3:8

Abo bacishi kushingana, abashingane bushiku ubo, ee, babushingane abo bacishi kweendelesha shinshimwe.

Jobo 3:9

Ntanda itakabaliiwo pabushiku ubo, ncakwiila bushiku ubo butakaciiwo.

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Jobo 41:9

“Uyo weenga wamuyeeyela kumukonsha, ingayi utoobecabo ceebo na muntu wamubonabo, mumanungo mulaboolabo tontolo akuwa peenka apo.

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Jelemiya 12:5

Lyalo Mwaami Lesa wakakumbula ayi, “Jelemiya na wakacica abantu beshimyeendo, bamana bakushiya, ino inga wacica buyani amaaki? Na wakalisuntula patubabo tu, ino inga wacikonsha buyani kweenda mumasaka a kuJoodani?

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 50:44

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Babiloni kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Shakubelenga 24:9

Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?