Jobo 40:9 - Baibo Busansulushi Bwa Libuku Ili

⁹ Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Jobo 40:9 ပူးပေါင်းရင်းမြစ်များ

Jobo 23:6

Sa naakwiinga waya mukunkakila ankusu shakwe shiinji? Sobwe, naakwiinga wakutika nceenga ndaamba.

Jobo 37:2

Ansha amukutike noonse kululuma kwa liswi lyakwe. Amukutike mankalunkalu aswa mumulomo wakwe.

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Kulumbaisha 29:3

Liswi lya Mwaami Lesa lilanyumfwika pamaanshi, ncakwiila Mwaami Lesa shibulemu ulaluluma, ulaluluma peculu lya maanshi ayoosha.

Kulumbaisha 29:4

Liswi lya Mwaami Lesa lilicite nkusu, ee, liswi lya Mwaami Lesa lilicite bulemu.

Kulumbaisha 89:10

Mwakalyatoola Laabu, shinshimwe wa mumaanshi ulya, bweenka bucitwa muntu utoofwa. Mwakapalanganya balwani banu alyaansa lyanu lyankusu.

Kulumbaisha 89:13

Mukono wanu ngwa nkusu, ee, lyaansa lyanu ndiyumu. Lyaansa lyanu lyalulyo lilalumbaishikwa ceebo ca nkusu.

Kulumbaisha 98:1

Amwiimbile Mwaami Lesa lwiimbo lupya, mukwiinga wakacita shintu shikankamika. Lyaansa lyakwe lyalulyo, ee, mukono wakwe usalalite wamulengesha kukoma.

Kulonga 15:6

“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.

Isaya 45:9

Mapensho kumuntu upikishanya awooyo wakamubumba ceebo lakwe ulibo anga cikaye ca nongo pakati ka shimwi shoonse. Ono sa bulongo inga bwaambila shikubumba ayi, “Anu utoobumbanshi?” Sa nongo inga yamwaambila ayi, “Toocitewo buuya?”

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Jelemiya 50:24

Ndakakuteya koose webo ocishi ca Babiloni, awebo wakacatwa kootana kwishiba. Wakacanwa akucatwa ceebo wakalwana ndime neMwaami Lesa.

Esekelo 10:5

Ono coongo ca mapapaminwa a bakelebu cakalinga kunyumfwika akulubansa lwa kunsengwe. Cakalinga kunyumfwika anga ndiswi lya Mwaami Lesa Shinkusu shoonse.

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?

Joshuwa 4:24

Wakacita boobo kwaamba ayi bantu boonse mucishi ca panshi bakabone nkusu shakwe mboshibete alimwi ayi mwebo mukanoolemeka Mwaami Lesa, Lesa wanu lyoonse.”