Jobo 4:6 - Baibo Busansulushi Bwa Libuku Ili

⁶ Sa kulambila Mwaami Lesa kwako kwakubula kampenda takukupi kushoma? Sa lushomo lwako talukoonshi kukukalika caamba?

Jobo 4:6 ပူးပေါင်းရင်းမြစ်များ

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Jobo 1:1

Mucishi ca Usi mwakalinga muntu wakalinga kwiitwa ayi Jobo. Musankwa uyu taakalinga kucitewo kampenda nabi komwi alimwi wakalinga kululeme. Wakalinga kulemeka Lesa alimwi wakalinga kushomeka kuli nguwe.

Jobo 13:15

Nabi ayi Lesa utooncaya, ndanoocinkite manungo muli nguwe. Sombi ndaakutondesha pameenso akwe ayi nshicite mulandu mucikani cangu ici.

Jobo 16:17

Sombi nshiciteewo mulandu wakucisa bantu alimwi mupailo wangu kuli Lesa ngwa lushinisho.

Jobo 17:15

Ono kulangila kwangu kuli kuli? Ngani ukubweneewo kulangila kwangu?

Kulumbaisha 26:1

NoBaami baLesa, amutondeshe kululama kwangu mukwiinga ndacita shiluleme mubuumi bwangu, alimwi ndicinkite manungo muli ndimwe noBaami baLesa cakutatonsha.

Kulumbaisha 27:3

Ono nabi likoto lya bashilumamba lyoonse lyanshinguluka, moyo wangu tooswiiwo kuboowa napaceyuubo. Ncakwiila nabi nkoondo yambukila nebo ndanoocinkitebo manungo muli Lesa.

Tushimpi 14:26

Uyo woonse uloonda Mwaami Lesa ulicite kwakuyuba. Ndushinisho ulicite kwakuyuba uko bana bakwe nkweshi bakacicile.

Tushimpi 3:26

Ceebo lushomo lwako lulaakuba muMwaami Lesa, aboobo ulaakukufuna ayi utacatwi mutoose twabo.

Isaya 33:6

Ulalengesha mushobo wa bantu kutatenkaana. Ulatabilila bantu bakwe akubapa busongo alushibo. Buboni bwa shintu shoonse ishi inga babucanabo kwiinda mukumuloonda.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

1 Pita 1:17

Mulaamba ayi bamashali besu bakulukulu ndimupaila kuli Lesa. Aboobo amwiibaluke ayi uloombolosha kweelana amuntu nshaakacita alimwi taasalululi. Ono anu mulyeelete kuba abulemu kuli Lesa mubuumi bwanu boonse mbweshi mwikale mucishi ca panshi.