Jobo 4:17 - Baibo Busansulushi Bwa Libuku Ili

¹⁷ Liswi ilyo lyakaamba ayi, ‘Sa muntubo inga walulama kwiinda Lesa? Sa muntu inga weendaawo kubula kampenda pali wooyo wakamulenga?

Jobo 4:17 ပူးပေါင်းရင်းမြစ်များ

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 15:14

“Anu muntu nciinshi kwaamba ayi abule kampenda? Anu muntu uyo ushalwabo kumwanakashi nciinshi ayi alulame?

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Jobo 31:15

Sa uyu wakamumba mulifumo lya bama teshi ngowakababumba abalo? Sa teshi mulengi womwi wakatupanga mumafumo abamanyinawesu?

Jobo 32:22

Nebo nshicishiiwo kulumbaisha muntu cakubeca. Na ndacita boobo, Mulengi wangu inga wampa mulandu cakufwambaana.

Jobo 35:10

Sombi taakuuwo pakati kabo wiipusha ayi, ‘Uli kuli Lesa Mulengi wangu uyo unkalika caamba muciindi ca mapensho?

Jobo 35:2

“Sa Jobo webo utooyeeya ayi ubo mbootokwaamba cililuleme? Sa webo ulyeelete kwaamba ayi, ‘Nebo ndiluleme pameenso akwe Lesa?’

Jobo 36:3

Lushibo lwangu lulaswa palaamfu, aboobo ntoosebensesha lushibo lwangu kutondesha ayi Lesa Mulengi wangu uliluleme.

Jobo 4:16

Kunembo lyangu kwakeemikana cintu, sombi ndakaalilwa kucishiba na nciinshi. Kwakoomuna tontolo, lyalo ndakanyumfwa liswi.

Jobo 40:8

Sa webo utookakatila kwaamba ayi nebo nshiluleme? Sa webo utoompa mulandu mukwaamba ayi webo uboneke kululama?

Jobo 8:3

Sa Lesa uloombolosha cakunyengelela? Sa Shinkusu shoonse ulaalilwa kucita shiluleme?

Jobo 9:2

“Ee, ndishi kwaamba ayi mbocibete ubo. Sombi muntubo inga walulama buyani kunembo lyakwe Lesa?

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Kulumbaisha 145:17

Mwaami Lesa uliluleme munshila shakwe shoonse, ulicite nkumbu pashintu shoonse nshaakalenga.

Shikushimikila 7:20

Taaku muntu ululeme pacishi ca panshi uyo ucita shintu shiluleme, kutabishaawo napaceyi.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Bene Loma 9:20

Ino webo ndiwaani kwaamba ayi upikishanye aLesa? Sa nongo inga yaambila wakeebumba ayi, “Wakamumbilanshi bobulya?”

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”