Jobo 4:10 - Baibo Busansulushi Bwa Libuku Ili

¹⁰ Bamucita shibi balabuluma mbuli nkalamu, sombi Lesa ulaboomusha akubatyoloola meeno.

Jobo 4:10 ပူးပေါင်းရင်းမြစ်များ

Jobo 29:17

Ndakalinga kunyonyoola nkusu sha bamucita shibi akubalengesha kuleka baabo mbobakalinga kupensha.

Jobo 5:15

Sombi Lesa ulafuna bakandu kuswa kubalwani babo alimwi ulabafuna kuswa kubantu beshinkusu.

Kulumbaisha 3:7

NoBaami bangu amucite ono! Amumpulushe nobaLesa bangu! Mulauma balwani bangu boonse mumanungo, mwabalengesha kubula nkusu shakuncisa.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 58:6

NoBaami baLesa amutyoloole meeno mumilomo yabo. Nkalamu sha bantu ishi amushisokoole meeno.

Kulumbaisha 58:7

Abashiminganebo anga ngamaanshi ainda kaaya mumulonga. Abakalyatoolwe akunyoŋwaatika anga mbwiisu bwalyatoolwa.

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.