Jobo 39:9 - Baibo Busansulushi Bwa Libuku Ili

⁹ “Sa nyaati inga yasumina kukusebensela? Sa inga yasumina koona mucimpati cako mashiku?

Jobo 39:9 ပူးပေါင်းရင်းမြစ်များ

Jobo 39:10

Sa inga wakonsha kwiicaila ayi ilime? Sa inga weelengesha kukwela cisansu mumuunda kubotesha bweenshi?

Jobo 39:8

Shileendaana mutulundu mumafulo a nshisho akuya ciyandoola cili coonse cicitontola.

Kulumbaisha 22:21

Amumfuune mumeeno a nkalamu, mumpulushe kumeeca a nyati.

Kulumbaisha 29:6

Tulundu twa Lebanoni ulatusotoosha anga ngumoombe, akalo ka Emoni anga ngumwanaanyati kwiinda mushitentanshi.

Kulumbaisha 92:10

Sombi nebo mwanjuumya anga ninyati, mwananika mafuta abotu mukumpa bulemu.

Isaya 1:3

Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”

Isaya 34:7

Ubo bushiku abo baambwa ayi ninyati sha bantu balaakufwitabo pantu pomwi ambabo. Ee, kufwita pantu pomwi abaabo bacite nkusu anga mbacende baana nabi bacende banene. Cishi cabo cilaakunoolibo tontolo kumalowa, ncakwiila bulongo boonse bulaakunoolibo lololo kumafuta.

Shakubelenga 23:22

Lesa wakabakusha mucishi ca Ijipiti, ulabalwaninaako anga ninyati.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”