Jobo 39:11 - Baibo Busansulushi Bwa Libuku Ili

¹¹ Sa inga wacinka manungo munkusu shiinji sha njiyo akwiilangila kwaamba ayi itoocita milimo yako iyumu?

Jobo 39:11 ပူးပေါင်းရင်းမြစ်များ

Matalikilo 1:26

Ono Lesa wakaamba ayi, “Atulenge muntu mucikoshanyo cesu, anooboneka anga ndiswe. Bakanokweendelesha nswi sha mumaanshi, bayuni bauluka, banyama bafubwa, banyama bamuluundu ashilongolo shinene atuniini sheenda panshi shoonse.”

Matalikilo 1:28

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Matalikilo 42:26

Bamakwabo abo bakabika shakulya nshibakoola pambongolo shabo, lyalo bakanyamuka.

Matalikilo 9:2

Banyama abayuni boonse alimwi answi shoonse shinanookala kashikuloonda. Shoonse shabikwa mumaansaako.

Jobo 39:10

Sa inga wakonsha kwiicaila ayi ilime? Sa inga weelengesha kukwela cisansu mumuunda kubotesha bweenshi?

Jobo 39:12

Sa inga wacinka manungo muli njiyo ayi itookututila shili anga ngamaila shako akushibunganya kulubansa lwako lwakulupwitaawo?

Kulumbaisha 144:14

Ŋombe shesu ashishalane, kutabi shisansula nabi shifwa. Kulila kwa mapensho akumane mumikwakwa yesu.

Kulumbaisha 147:10

Lakwe taasangalalili munkusu sha liaki. Taasangalalili mubashilumamba beshinkusu.

Kulumbaisha 20:7

Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

Tushimpi 14:4

Kutaaku basune, bweenshi mbuniini, sombi kuli ŋombe, shitebulwa shilafula.

Isaya 30:16

Mwebo mwakaamba ayi, ‘Sobwe. Swebo tulaakucica pamaaki esu.’ Anu ncibotu mulaakucica. Mwakaamba ayi, ‘Tulaakucica pamaaki esu eendaawo kucica.’ Sombi beshibakanooya cimutandaanya balaakumwiindaawo lubilo.

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Isaya 46:1

Ono aya ngomeelelesho a balesa ba bene Babiloni! Ncakwiila Belo aNebo mbalesa balinga kulambilwa, sombi sunu banyamwitwa pambongolo. Baba mukuli pamisana ya shifubwa shilemete.

Shakubelenga 23:22

Lesa wakabakusha mucishi ca Ijipiti, ulabalwaninaako anga ninyati.