Jobo 38:4 - Baibo Busansulushi Bwa Libuku Ili

⁴ “Sa wakalingaako ndindakalinga kuyaka lwiimbi lwa cishi? Ndwiite tubone na ulicite lushibo luunji.

Jobo 38:4 ပူးပေါင်းရင်းမြစ်များ

Matalikilo 1:1

Kumatalikilo Lesa wakalenga liculu acishi ca panshi.

Matalikilo 2:4

Ono mboboobo liculu acishi ca panshi mboshakalengwa. Mwaami Lesa ndyaakalenga liculu acishi ca panshi coonse,

Jobo 15:7

“Sa utooyeeya ayi ndiwe wakataanguna kushalwa? Sa webo uli mutaanshi kulengwa tulundu katutana?

Jobo 28:25

Lesa ndyaakapa nkusu kumuuwo akupima mweelete kweela lweenge,

Jobo 34:13

Ngani wakamupa nkusu shakweendelesha cishi? Sa kuliwo wakapa Lesa bwaami bwa cishi ca panshi coonse?

Kulumbaisha 102:25

Kumatalikilo mwakakaba lwiimbi lwa cishi ca panshi, alyalo liculu ngumulimo wa maansaanu.

Kulumbaisha 102:26

Sombi shoonse ishi shilaakumana, sombi mwebo mulaakucaala. Shoonse shilaakusansooka anga nshakufwala. Mulaakushisowa anga nshakufwala shifwite, lyalo shilaakushimingana.

Kulumbaisha 104:5

Mwakabika cishi ca panshi palwiimbi lwa ncico, alimwi teshi cikatenkaane.

Tushimpi 3:19

Mwaami Lesa wakalenga cishi kwiinda mubusongo bwakwe akubika liculu mumusena wa ndilyo kwiinda mumaano akwe akunyumfwisha shintu.

Tushimpi 30:4

Ngani wakayaawo kale kwiculu alimwi waseluka? Ngani wakacatawo kale muuwo mumapakaakwe? Ngani wakafungilishawo kale maanshi mucakufwala cakwe capeculu? Ngani wakapima mweelete kweela cishi? Ngani ushi liina lyakwe aliina lya mwanaakwe? Amundwiite na mulicite lushibo!

Tushimpi 8:22

“Nebo nebusongo ndakalinga aMwaami Lesa kumatalikilo. Ndakalinga anguwe kaatana kutalika kucita milimo yakwe imwi yoonse.

Isaya 40:14

Nkuli ni Mwaami Lesa nkwaakayawo kale mukwiipusha cikani? Ngani wakamwiishaawo kwaamba ayi abe alushibo ndwaacite? Ngani wakamwiishawo kale ayi eshibe mbwaaelete kucita shintu?

Jelemiya 10:12

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Bene Ebulu 1:10

Alimwi Lesa wakaamba ayi, “Webo, oMwaami, ndiwe wakalenga cishi ca panshi kumatalikilo, alimwi wakalenga liculu amaansaako.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.