Jobo 36:3 - Baibo Busansulushi Bwa Libuku Ili

³ Lushibo lwangu lulaswa palaamfu, aboobo ntoosebensesha lushibo lwangu kutondesha ayi Lesa Mulengi wangu uliluleme.

Jobo 36:3 ပူးပေါင်းရင်းမြစ်များ

Jobo 32:2

Sombi kwakalinga muntu umwi wakalinga kwiitwa ayi Eliyu mwanaakwe Balakelo mwine Busi wamucipani cakwe Lama, wakakalala abuumbi ndyaakanyumfwa Jobo mbwaakalinga kulilulamika akutongooka Lesa.

Jobo 32:8

Sombi ndabona ayi nguMushimu wakwe Lesa Shinkusu shoonse uyo useluka pabantu akubapa busongo.

Jobo 34:5

“Jobo utokwaamba ayi, ‘Nebo nshicitewo mulandu, sombi Lesa lakwe wakaka kuŋombolosha cabululami.

Jobo 36:2

“Nindileeko paniini ukutike nsheentokwaamba ceebo ndicite makani akukulwiita mukwiimikaninako Lesa.

Jobo 37:23

Ceebo ca nkusu shakwe shiinji swebo tulaalilwa kumusena pafwaafwi. Sombi lakwe uliluleme alimwi uloombolosha bantu cakutanyengelela.

Jobo 4:17

Liswi ilyo lyakaamba ayi, ‘Sa muntubo inga walulama kwiinda Lesa? Sa muntu inga weendaawo kubula kampenda pali wooyo wakamulenga?

Jobo 8:3

Sa Lesa uloombolosha cakunyengelela? Sa Shinkusu shoonse ulaalilwa kucita shiluleme?

Kulumbaisha 11:7

Ee, Mwaami Lesa uliluleme, ulisuni micito iluleme. Ncakwiila baluleme balaakumubona.

Kulumbaisha 145:17

Mwaami Lesa uliluleme munshila shakwe shoonse, ulicite nkumbu pashintu shoonse nshaakalenga.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Danyelo 9:14

Mwebo noBaami baLesa, baLesa besu tamukwe kucelwa kutuletela mapensho mukwiinga mwebo muliluleme mushintu shoonse nshemucita alimwi swebo tatukwe kumunyumfwila.

Danyelo 9:7

“Mwebo noBaami baLesa muliluleme, sombi swebo tulaliletela musebaanyo, nkokwaamba ayi bene Juda, bene Jelusalemu alimwi abene Isilaeli boonse, bali pafwaafwi abali kulaale, ncakwiila kulilabo mucishi cili coonse motwakapalanganishilwa ceebo cakutashomeka kwesu kuli ndimwe.

Mateyo 12:42

Pabushiku bwakoomboloshekwa, mwaami mwanakashi wa kumalenge ulaakumushinina ceebo wakaswa kweela cishi kwisa mukunyumfwa busongo bwakwe Solomoni. Sombi pano mpwaali wiinda Solomoni!

Bene Loma 9:14

Ono sa inga twaamba ayi Lesa taaluleme? Sobwe, napaceyi.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!