Jobo 32:13 - Baibo Busansulushi Bwa Libuku Ili

¹³ Ino inga mwalyaamba buyani ayi muli basongo? Anu mwebo mbomwaalilwa, Lesa mwiine ngooelete kumupikisha.

Jobo 32:13 ပူးပေါင်းရင်းမြစ်များ

Matalikilo 14:23

ayi teshi ncaaleewo acintu cili coonse caanu, busalu nabi intambo ya kunsapato. Mukwiinga ubo ndyeshi mukabule kwaambaawo ayi, ‘Ndime ndakalengesha Abulamu kubila.’

Jobo 1:21

“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”

Jobo 12:2

“Ncakwiila mwebo ndimwe mwaamba mbuli muntu ucite busongo kwiinda bantu boonse alimwi mwaakufwa abwalo busongo bulaakuloba.

Jobo 19:21

“Mwebo muli beensuma, ndapapaata amunyumfwileko nkumbu. Lesa wantula lyaansa lyakwe lya mapensho.

Jobo 19:6

Sa mwebo tamubwene kwaamba ayi nguLesa wacita shintu ishi? NguLesa wanteya koose kwaamba ayi ncatwe.

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Jobo 31:40

ingayi amumene myuumfwa kuteshi witi alimwi mumene nsaku kuteshi bale.” Maswi akwe Jobo mpwaaela apa.

Jobo 32:12

“Ndamukutika kabotu kabotu, sombi ndabona kwaamba ayi noonse mwaalilwa. Taaku nabi womwi pakati kanu watondesha ayi shitokwaamba Jobo nshakubeca.

Jobo 32:14

Jobo walinga kwaamba kuli ndimwe kuteshi kuli ndime, sobwe. Nakubi boobo nebo inga nshikumbuli mbuli mbomwalinga kumukumbula, tau.

Jobo 4:9

Lesa ulabanyonyoola anga ncipuupu cinene ncakwiila bukali bwakwe bulabalobya.

Jobo 6:4

Mifwi yakwe Lesa Shinkusu shoonse ilinjasite. Bukali bwa njiyo butokweendeenda mumubili. Shintu shiyoosha shakwe Lesa sheelekwa kuli ndime.

Isaya 48:5

Paceebo ceeco ndakaambilabo limwi shabuumi bwanu kunembo. Kashitana kucitika nebo ndakashaambilishilabo limwi kuli ndimwe. Ndakacita boobo kwaamba ayi mutakaambi ayi, ‘Shibumbwabumbwa shesu nsheshacita bobulya. Ee, shikoshanyo shesu sha shisamu abalesa besu ba sheela mbobashicita.’

Isaya 48:7

Shintu isho shalengwa bobulya bweenka, kuteshi kale kale, sobwe. Tamuna kushinyumfwaawo kale kulekabo sunu. Ndacita boobo kwaamba ayi kubule waamba ayi, ‘Anu nshesheesho, nebo isho ndakashinyumfwaawo kale.’

Isaya 5:21

Mapensho kubaabo baliyeeyela ayi mbasongo, ee, baliyeeyela ayi balicenjete.

Jelemiya 9:23

Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Esekelo 28:3

Sa webo uli musongo kwiinda Danyelo? Sa shabushishi shoonse ulishishi?

Sekaliya 12:7

“Nebo neMwaami Lesa ndaakutaanguna kulengesha bene Juda kukoma kwaamba ayi bulemu bwa bamulunyungu lwakwe Defedi alimwi abwa bene Jelusalemu, butakasotoki bwa bene Juda.

Joni 19:11

Jesu lyalo wakakumbula ayi, “Nootakwe kupekwa nkusu kuswa kuli baTa, naakwiinga toocite nkusu pali ndime. Nakubi boobo uyo wakangaba kuli ndiwe ngoocite cibiibi cinene.”

1 Bene Kolinto 3:18

Mutalibeeci. Na kuli muntu pakati kanu uyeeya ayi ngumusongo mubwikaalo bwa cishi ca panshi, ulyeelete kuba anga ngumuluya kwaamba ayi abe musongo wancinencine.

Boomboloshi 7:2

Mpeeke Mwaami Lesa wakaambila Gidyoni ayi, “Bantu mbooli abo bafulisha kwaamba ayi ngabe bene Midyani mumaansaabo mukwiinga bene Isilaeli inga batalika kulilumbaisha ayi bakoma kwiinda munkusu shabo beene. Munshila iyo inga tabalumbaishi ndime.