Jobo 31:4 - Baibo Busansulushi Bwa Libuku Ili

⁴ Lesa ulishibwene nshila shangu shoonse alimwi ulalangishisha nyendelo shangu shoonse.

Jobo 31:4 ပူးပေါင်းရင်းမြစ်များ

Matalikilo 16:13

Aga wakaliipusha ayi, “Sa ncakwiila ndaboona Lesa akucaala kaandi muumi?” Lyalo Mwaami Lesa uyo wakaamba anguwe wakamutumba ayi, “Lesa Uyo Umbona.”

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

Jobo 11:11

Bantu babeca, ndushinisho Lesa lakwe ulibeshi. Ee, shibiibi nshebacita ulashibona akushilabilila.

Jobo 14:16

Paciindi ico mulaakulangisha nyendelo shangu shoonse, nakubi boobo teshi mukanoolangoola milandu yangu, sobwe.

Jobo 23:10

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.

Jobo 24:23

Ulamulekabo ayi ekala cakuliiba, sombi nshila shakwe shoonse ulishibwene.

Jobo 28:24

ceebo lakwe ulabona akweela cishi alimwi akubona shoonse shili kuunshi lya liculu.

Jobo 31:37

Naakwiinga ndaambila Lesa shintu shoonse nshendakacita akuya mukubapolela mbuli mwanaamwaami kunembo lyakwe.

Jobo 34:21

“Meenso akwe alabona nshila sha muntu shoonse. Ndushinisho lakwe ulabona moonse mobalyata.

Jobo 36:7

Baluleme ulabalama ciindi coonse. Ulababika pashuuna sha bwaami akubasumpula ayi balemekwe kwalyoonse alyoonse.

Kulumbaisha 44:21

naakwiinga mwebo mwakeshiba mukwiinga mwebo mulishi miyeeyo yesu yabushishi.

Tushimpi 15:3

Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.

Tushimpi 5:21

Mwaami Lesa lakwe ulabona shoonse shicita muntu. Nshila shakwe shoonse lakwe ulishibwene.

Jelemiya 16:17

Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.

Joni 1:48

Natanaelo wakamwiipusha ayi, “Ino mwaanshiba buyani?” Jesu wakakumbula ayi, “Kaatana kukwiita Filipo, ndalinga kukubwene kale kooli mucisamu ca mukuyu.”

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.