Jobo 31:24 - Baibo Busansulushi Bwa Libuku Ili

²⁴ “Nshindakalinga kushomawo mububile ee, nshindakalinga kucinka manungo mugolodi wiine wiine.

Jobo 31:24 ပူးပေါင်းရင်းမြစ်များ

Matalikilo 31:1

Jakobo wakanyumfwa kwaamba ayi bana bakwe Labani basankwa batokwaamba ayi, “Jakobo wabwesa shintu shoonse shalinga kucite baishiwesu. Buboni bwakwe boonse bwaswa kushintu sha baishiwesu.”

Jobo 22:24

Bona golodi wako anga ndusukobo. Waala golodi wako ubotu wa kuOfa mumulonga.

Kulumbaisha 49:17

ceebo aakufwa, shoonse ulaakushishiya. Buboni bwakwe teshi akayaabo amucuumbwe.

Kulumbaisha 52:7

“Amubone anooyu ono musankwa ulya utakwe kuyubila muli Lesa. Sombi lakwe wakacinka manungo mububoni bwakwe buunji, akulipa nkusu kwiinda mukunyonyoola bamwi!”

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Tushimpi 10:15

Buboni bwa bantu babile, ndyelilinga lyabo, sombi bupenshi bulanyonyoola bakandu.

Tushimpi 11:28

Uyo woonse ucinka manungo mububile bwakwe ulawa, sombi baluleme balaswitilila anga nkusonsa kwa matewu acilimo.

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Jelemiya 9:23

Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Esekelo 28:5

Ceebo ca lushibo lwako lunene mumakwebo, wakafusha buboni bwako. Lyalo wakatalika kulisumpula ceebo ca buboni ubo.’

Maako 10:23

Mpomunyaawo Jesu wakacebuka, walanga bashikwiiya bakwe bakalinga kumushingulukite akubaambila ayi, “Nciyumu abuumbi kubantu babile kwinjila muBweene bwakwe Lesa!”

Luka 12:15

Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.