Jobo 28:1 - Baibo Busansulushi Bwa Libuku Ili

¹ “Kuli mukoti uko kukabwa silifa amusena golodi nkooboteshelwa.

Jobo 28:1 ပူးပေါင်းရင်းမြစ်များ

Matalikilo 23:15

“Nkambo, ulya musena uloolwabo maali asilifa ali myaanda yone, ono ico nciinshi pakati kangu amwebo? Amubikeemobo bakaanu.”

Matalikilo 24:22

Labeka ndyaakamanisha, musankwa uyo wakabwesa ninga ya golodi ilema magilamu ali 5.5 akwiisomeka panshono yakwe, alimwi wakamufwalika makosa obilo a golodi alema magilamu ali 110 pamikono yakwe.

1 Baami 10:21

Nkomeshi shoonse shakwe Solomoni shakapangwa a golodi. Mbale shoonse shakalinga kubikwa muCipinda ca Musaansa wa Lebanoni shakapangwa agolodi wiine wiine. Taaku shakapangwawo asilifa mukwiinga ciindi ico cakwe Solomoni silifa teyakalinga kucite makwebo.

Jobo 27:23

Akunoocica calo cilaakupuupa abuumbi akupanga coongo, kumukonga cakumutupula pamulyango wakwe.

Jobo 28:2

Mabwe a nshimbi alakabwa panshi mubulongo, awalo mukuba ulasungululwa kuswa kumabwe.

Kulumbaisha 12:6

Ee, kushomesha kwa Mwaami Lesa takucite kampenda. Kulibo anga ngusilifa wakeenshikwa mumunyumbi mankanda osanwe aobilo.

Tushimpi 17:3

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.

Tushimpi 27:21

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa ampuuwo ya bulemu bwakwe.

Isaya 48:10

Ndamweelesha mumulilo wa mapensho, bweenka mbuli silifa mbooboteshekwa mumunyumbi. Nakubi boobo ndacaana ayi taaku mbomubete.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.