Jobo 27:7 - Baibo Busansulushi Bwa Libuku Ili

⁷ “Balwani bangu abapekwe mulandu kweelana anga mbamucita shibi. Abo bampatite abapekwe mulandu anga mbantu bataluleme.

Jobo 27:7 ပူးပေါင်းရင်းမြစ်များ

2 Samwelo 18:32

Mpeeke mwaami wakeepusha mwine Kushi ayi, “Sa Abusalomu cikula bwangu ngumuumi?” Mwine Kushi uyo wakakumbula ayi, “Nicambotela cacitika kuli nguwe naakwiinga cacitika kubaabo boonse babukila ndimwe nkambo nobaami bangu.”

Jobo 27:6

Ndanokwiimfwibo pakwaamba ayi ndiluleme, cakutalyatukaawo, sobwe. Nshicitewo kutonsha mucikani ici, napaceyi.

Jobo 27:8

Ino nkulangilanshi kucite bantu batashomi muli Lesa na bacaikwa? Ee, nkulangilanshi nkobacite ciindi Lesa ndyaabasesa buumi bwabo?

Jobo 31:35

“Sa taaku weshi akutikewo nsheentokwaamba? Ntoolumbila kwaamba ayi maswi angu aya oonse ngalushinisho. Lesa Shinkusu shoonse aanshinine. Mulwani wangu aalembe milandu njaatoompa.

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

1 Samwelo 25:26

Ono ceebo cakwaamba ayi nobaami bangu Mwaami Lesa wamulengesha ayi mutabooshi cishole akutaba amulandu wakucaya muntu, ndalumbila ayi bweenka mbocibete lushinisho ayi Mwaami Lesa ngumuumi alimwi amwebo mbomuli boomi, boonse batoopinga kumucisa bakapekwe mulandu mbweenka mbuli Nabali ibaangu.