Jobo 27:2 - Baibo Busansulushi Bwa Libuku Ili

² “Ono bweenka mbocibete lushinisho ayi Lesa ngumuumi, ee, Lesa uyo wakaka kuŋombolosha cabululami, Shinkusu shoonse uyo wampa mpensha bulasha,

Jobo 27:2 ပူးပေါင်းရင်းမြစ်များ

2 Samwelo 2:27

Joabu wakakumbula ayi, “Bweenka mbocibete lushinisho ayi Mwaami Lesa ngumuumi, nootakwe kwaamba, naakwiinga bashilumamba aba batolelela kuya cimutandaanya kushikila ciilo macuunsa.”

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

1 Baami 18:15

Elija wakakumbula ayi, “Kweelana ambocibete lushinisho ayi Mwaami Lesa Shinkusu shoonse, uyo ngoonsebensela ngumuumi, mbweeke ubo sunu ntoolishisha kumwaami Aabu.”

2 Baami 4:27

Sombi ndyaakesa kuli Elisha, wakafukama akumucata kushimpanta. Geyasi wakalinga kusuni kumushindikaako, sombi Elisha wakaamba ayi, “Mulekebo mwiine. Sa toobwene ayi kuli camupensha abuumbi mumoyo? Ono Mwaami Lesa taaku ncaandwiita.”

Jobo 10:3

Sa cilamukonda kundyatilila akunsebaanya nemulimo wa maansaanu, sombi kamukondwa milimo ya bamucita shibi?

Jobo 16:11

Lesa wangaba mumaansa a bamucita shibi. Ncakwiila wangaba munkusu sha bantu bataluleme.

Jobo 19:6

Sa mwebo tamubwene kwaamba ayi nguLesa wacita shintu ishi? NguLesa wanteya koose kwaamba ayi ncatwe.

Jobo 23:16

Lesa wantontosha mushiso. Shinkusu shoonse ulanoondesha abuumbi.

Jobo 34:5

“Jobo utokwaamba ayi, ‘Nebo nshicitewo mulandu, sombi Lesa lakwe wakaka kuŋombolosha cabululami.

Jobo 35:2

“Sa Jobo webo utooyeeya ayi ubo mbootokwaamba cililuleme? Sa webo ulyeelete kwaamba ayi, ‘Nebo ndiluleme pameenso akwe Lesa?’

Jobo 40:8

Sa webo utookakatila kwaamba ayi nebo nshiluleme? Sa webo utoompa mulandu mukwaamba ayi webo uboneke kululama?

Jobo 9:17

Ceebo ulandokesha mfula ya muyoba akufusha shilonda shangu pataapu cikani.

Jobo 9:18

Ncakwiila tanshiiliwo musena, sobwe, sombi ulamfushisha mapensho ciindi coonse.

Isaya 40:27

Ono ceebonshi nobamulunyungu lwakwe Jakobo mulaamba ayi, “Mwaami Lesa taabwene mapensho esu?” Ceebonshi mulatongooka ayi, “Lesa taabikiiko amaano kuli ndiswe nabi katulyatililwa?”

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 5:2

“Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Shakubelenga 14:21

Sombi ntokwaambilisha ayi kweelana amboondi muumi alimwi abulemu bwangu buliswite cishi coonse ca panshi,

Lute 3:13

Koshiite kushikila buce. Macuunsacuunsa tutoomwiipusha na ulisuni kukulama. Na asumine ingayi cabota, sombi na akake, nebo ndalumbila muliina lya Mwaami Lesa muumi kwaamba ayi ndanookulama. Ono ona apa kushikila buce.”

1 Samwelo 14:39

Ntooshomesha muliina lya Mwaami Lesa muumi uyo upa bene Isilaeli nkusu shakukoma balwani, kwaamba ayi wacicita utoocaikwa nabibo na ngumwanaangu Jonasani.” Ono bantu taaku wakaambaawo nabi liswi.

1 Samwelo 14:45

Sombi bashilumamba bakaambila Saulo ayi, “Jonasani inga wafwa buyani? Jonasani ngowalengesha ayi bene Isilaeli bakome munshila ikankamanisha. Sobwe! Mbuli Mwaami Lesa mbwaali muumi, taaku mususu nabi womwi weshi ulokele panshi kuswa mumutwi wakwe Jonasani. Mukwiinga ico ncaacita sunu cacitwa kwiinda mukucafwikwa aLesa.” Munshila iyo bantu abo bakafuna Jonasani ayi atacaikwi.

1 Samwelo 20:21

Lyalo ndaakutuma musebenshi wangu ayi ailangoole. Ono na nkamwaambile ayi, ‘Bona, mifwi ili kulubasu kokuno, ibwese,’ ukeshibe ayi taaku nceweelete kuloonda, ukayubulukebo. Ee, bweenka mbocibete lushinisho ayi Mwaami Lesa ngumuumi, ncakwiila taaku nceweelete kuloonda.

1 Samwelo 25:26

Ono ceebo cakwaamba ayi nobaami bangu Mwaami Lesa wamulengesha ayi mutabooshi cishole akutaba amulandu wakucaya muntu, ndalumbila ayi bweenka mbocibete lushinisho ayi Mwaami Lesa ngumuumi alimwi amwebo mbomuli boomi, boonse batoopinga kumucisa bakapekwe mulandu mbweenka mbuli Nabali ibaangu.

1 Samwelo 25:34

Sombi ndalumbila Mwaami Lesa, Lesa wa bene Isilaeli wanciba ayi ntabi amulandu wakutila bulowa, ayi bweenka mbocibete lushinisho ayi ngumuumi, nootakwe kufwambaana kuncinsha, taaku mwanaakwe Nabali musankwa wakalinga kweelete kunoociliiwo kushika ciilo macuunsa.”