Jobo 26:7 - Baibo Busansulushi Bwa Libuku Ili

⁷ Wakafungulula liculu pamusena wakalinga bwaashi akwaanjika cishi ca panshi patakalingawo cintu.

Jobo 26:7 ပူးပေါင်းရင်းမြစ်များ

Jobo 38:6

Ino macinko a ncico aliimfwi pali? Ngani wakayaamikako libwe lyakwaamba ayi cishi cishimpileeko?

Jobo 9:8

Lakwe eenka ngowakafungulula liculu alimwi ngookonsha kulyatoola maaba a palweenge.

Kulumbaisha 24:2

Ceebo ngowakacilenga peculu lya lweenge, ncakwiila ngowakacikalika peculu lya maanshi.

Kulumbaisha 89:12

Ndimwe mwakalenga kumalenge akumatwa. Kalundu ka Tabo aka Emoni tulamwiimbila cakusangalala.

Kulumbaisha 89:13

Mukono wanu ngwa nkusu, ee, lyaansa lyanu ndiyumu. Lyaansa lyanu lyalulyo lilalumbaishikwa ceebo ca nkusu.

Isaya 40:21

Sa tamwishi? Sa tamukwe kunyumfwaawo? Sa tamukwe kushimikilwaawo kuswa kumatalikilo? Ee, sa tamukwe kunyumfwaawo kuswabo cishi ndicakalengwa?

Isaya 40:22

Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Isaya 40:26

Amwiinune mitwi akulanga kwiculu. Ngani wakalenga shintu shoonse ishi shiliimo? Bana ndime alimwi ndime ŋensha nyenyeenshi anga ndikoto lya bashilumamba. Nyenyeenshi yomwi ayomwi ndiishi liina lya njiyo. Ceebo ca nkusu shangu shinene alimwi abulemu, taaku nyenyeenshi nabi yomwi yakasoweka.”

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,