Jobo 24:9 - Baibo Busansulushi Bwa Libuku Ili

⁹ “Bamucita shibi balakusha bakateta batacite baishi kunkolo akubatola ceebo ca nkongole shitana kulipilwa.

Jobo 24:9 ပူးပေါင်းရင်းမြစ်များ

2 Baami 4:1

Bumwi bushiku mukalubinje mwanakashi wa wooyo wakalinga mulikoto lya balaluki wakaya kuli Elisha akwaamba ayi, “Nkambo, beebaangu bakafwa! Mbuli mbomwishi, bakalinga kulemeka Lesa. Ono musankwa umwi ngobakakongolako maali wesa mukubwesa bana bangu bobilo basankwa ayi babe basha kwaamba ayi nkongole imane.”

Neyemiya 5:5

Swebo abaJuda bamwi boonse tuli bulowa bomwi. Bana besu balyeelenebo abana babo, nakubi boobo tuloolisha busha bana besu. Ncakwiila bana besu bamwi banakashi bakoolwa kale busha. Sombi tatucite lucafwo mukwiinga myuunda yesu yoonse ili mumaansa a bantu bamwi.”

Jobo 22:6

Ceebo ca nkongole icite mukwanu, wakacatilaamo cintu cakwe. Wakamunyaya shakufwala akumushiya matakosha.

Jobo 24:10

Ceebo cakubula shakufwala, bakandu baleendabo matakosha. Balekalabo ansala nakubi kwaamba ayi balatebula witi wa bamwi.

Jobo 24:8

Balalokwa mfula iswita kutulundu akulityanikisha mumabwe ayi bayuunse.

Jobo 29:12

ceebo ndakalinga kufuna bakandu abo bakalinga kusenga lucafwo alimwi ndakalinga kucafwa bana banshiwa batakalinga kucite shikubacafwa.

Jobo 6:27

Ncakwiila mwebo mulalyatilila bana banshiwa alimwi mwebo muloolisha babyaanu.

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Dutolonomi 24:7

“Uyo woonse ucata mwine Isilaelinyina, wamufuba nabi kumuulisha busha, ulyeelete kucaikwa. Munshila iyi mulaakukusha bubi ubu pakati kanu.