Jobo 24:5 - Baibo Busansulushi Bwa Libuku Ili

⁵ “Lyalo bakandu balaya ciingailabo muluyanga anga nimbongolo sha muluundu. Baleengooka muluyanga kwaamba ayi bayandoole shakulya. Ncakwiila muluyanga momuswa shakulya sha bana babo.

Jobo 24:5 ပူးပေါင်းရင်းမြစ်များ

Matalikilo 16:12

Sombi mwanaako uyo ulaakunookala anga nimbongolo ya muluundu. Ulaakunoopatite bantu boonse, alakwe bantu boonse balaakunoomupatite. Ulaakunoopatitwe kubamakwabo boonse.”

Matalikilo 27:40

Ulaakunoocana buumi kwiinda mukusebensesha mupeeni, alimwi ulaakuba musha wa mukwanu. Sombi waakwaashuka, ulaakupatuka kuswa mubweendeleshi bwakwe.”

Jobo 12:6

Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.

Jobo 24:14

Na lisuba lyepila mucayi ulanyamuka akuya mukucaya bakandu. Lyalo mumunshinshe wa mashiku ulaya mukwiipa.

Jobo 24:6

Balaya citebula myuunda ya bantu bamwi akuya bubweselela minyansa icaala mumyuunda ya bamucita shibi.

Jobo 5:5

Beshinsala balalya shishango shakwe, kubwesela kumwi ashimena mumyuumfwa. Ncakwiila beshinyotwa balakumbwa buboni bwakwe.

Kulumbaisha 104:23

Lyalo bantu balaya kumilimo yabo, akusebensa kushikila macolesha.

Tushimpi 4:16

Ceebo bantu aba tabooni kabatana kucitawo cintu cibiibi. Balo balaba acilabila na tabana kucisawo muntu.

Jelemiya 2:24

Ee, ulibo anga nimbongolo yamulundu ishibite kwikala muluyanga. Anu ngani weenga waikasha na keeli paceembela? Shisankwa shiisuni tashipengiiwo akuyandoola mukwiinga ciindi ca ceembela nkwiicana njeyi.

Osiya 7:6

Myoyo ya bantu abo yakalinga kulungulabo anga ngumulilo wa mucitofu. Mashiku oonse bukali bwabo bwakalinga kufutilabo anga ngumulilo utoomota. Lyalo kumuyamaca bwakatukuka akunyaka anga ngumulilo.

Osiya 8:9

Aba bantu mbaashubo anga nimbongolo ya muluundu. Baya kale kubene Asilya mukusenga lucafwo, ee, balipila mishobo imwi ayi inoobatabilila.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.

Milimo ya Batumwi 23:12

Ndibwakaca, baJuda bamwi bakabungana pantu pomwi akupangana bwakucita Paulo. Bakalumbila pameenso akwe Lesa ayi teshi bakalye nabi kunwa cintu naciceyi kushikila bakamucaaye.