Jobo 24:12 - Baibo Busansulushi Bwa Libuku Ili

¹² Mumandabala anene mulanyumfwika kutongela kwa bantu batooyanda kufwa, akulila lucafwo kwa baabo bacisikwa, sombi Lesa taakumbuliiwo kusenga kwabo, sobwe.

Jobo 24:12 ပူးပေါင်းရင်းမြစ်များ

Matalikilo 4:10

Mpeeke Mwaami Lesa wakamwaambila ayi, “Ino wacitilanshi cintu ciyoosha mbuli ceeci? Nyumfwa! Bulowa bwa mukwanu butoolila kuli ndime kuswa mubulongo ayi mbooshe cishole.

Jobo 24:11

Baleenga mafuta kuswa kumaolifi. Balatyana minyansa akupanga waini, sombi balo balekalabo anyotwa.

Jobo 24:13

“Kuli bamwi bakaka mumuni, abo batooshiiwo napaceyi alimwi batasuni kuya nkoobatanjilila.

Jobo 9:23

Muntu utacite mulandu ndyaafwa, Lesa ulaseka mapensho a muntu uyo.

Jobo 9:24

Cishi na capekwa mumaansa abantu babiibi, Lesa ulacala meenso a boomboloshi ayi bataboni. Ono na teshi nguwe wakacicita, ingayi ngani weenga wacita boobo?

Kulumbaisha 10:13

Ceebonshi bamucita shibi balanyansha liina lyakwe Lesa? Ceebonshi balalipamya ayi, “Lesa teshi akatupewo mulandu”?

Kulumbaisha 109:22

Nebo ndi mukandu alimwi taaku mboombete. Moyo wangu ulicisitwe abuumbi.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 50:21

Ishi shintu ndalinga kunoomweebelabo kamushicita. Mwebo mwalinga kuyeeya ayi ndi anga ndimwe. Ono sunu ntoomukalalila akutula mulandu wanu patuba kunembo lyanu.

Kulumbaisha 69:26

ceebo balapensha baabo mbomwakapa mulandu, akwiilika mapensho pabaabo mbomwakacisa.

Kulonga 22:27

mukwiinga ncecakufwala ca peculu ceenkabo ncaacite cakumufunako kumpewo. Ino inga walifwekanshi pakoona? Taaku. Ono na wandilila, ncakwiila ndaakumucafwa mukwiinga ndishinkumbu.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Isaya 52:5

Ono Mwaami Lesa waamba ayi, “Ino caangu apa nciinshi? Bantu bangu batolwa busha kwakubula amalipilo, abalo abo batoobalela, balabacelebula kulilabo bwaca. Peculu lya waawo balacobola liina lyangu cakutacilekaawo.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Jelemiya 12:2

Mwakabashanga abalo bakamena, balakomena akucata shisepo. Ciindi coonse balaamba shibotu pali ndimwe, sombi myoyo yabo ili kulaale amwebo.

Malaki 2:17

Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Malaki 3:15

Ono cicitika ncakwaamba ayi balisumpula mbobacite shoolwe. Ndushinisho, bamucita shibi tabeelibo mukusumpuka, sombi balasunka kukomenya moyo kwakwe Lesa kwiinda mukucita shibiibi, nakubi boobo tabapekwi mulandu.”

2 Pita 3:15

Mulyeelete kwishiba ayi kukalika moyo kwa Mwaami wesu, ncoolwe ncaatoomupa kwaamba ayi mupulushikwe. Alakwe Paulo, mukwabesu usunikwi, wakamulembela shamakani ngomunya aya kwiinda mubusongo bwakamupa Lesa.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.