Jobo 22:18 - Baibo Busansulushi Bwa Libuku Ili

¹⁸ Sombi lakwe ngowakasusha maanda abo ashintu shibotu. Ncakwiila nshikoonshi kwishiba buyeeya bamucita shibi.

Jobo 22:18 ပူးပေါင်းရင်းမြစ်များ

Jobo 10:3

Sa cilamukonda kundyatilila akunsebaanya nemulimo wa maansaanu, sombi kamukondwa milimo ya bamucita shibi?

Jobo 12:6

Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.

Jobo 21:16

Balalinyumfwa ayi balaswitilila kwiinda munkusu shabo beene. Sombi nebo nshisumini mukuyeeya kwabo kwa mushobo uyu.

Kulumbaisha 1:1

Ulicite coolwe muntu uyo uteendi munshila shibiibi sha beshikubisha, utakonkeli shicita bamucita shibi abo, alimwi utasenkani abaabo baweluluka shakwe Lesa.

Kulumbaisha 17:14

Amumfuune kubantu babiibi ba mushobo uyu. Amumpulushe alyaansa lyanu noBaami baLesa, mukwiinga balo caabo mbuumibo buno bweenka. Amubapoomwete mapensho ayo ngomwakabasungila. Kubana babo akeendeewo tibili akubamashikulu babo.

Jelemiya 12:2

Mwakabashanga abalo bakamena, balakomena akucata shisepo. Ciindi coonse balaamba shibotu pali ndimwe, sombi myoyo yabo ili kulaale amwebo.

Milimo ya Batumwi 14:17

Sombi lyoonse ulalicitila bukamboni kwiinda mushintu shibotu nshaacita. Ulamuloshesha mfula kuswa kwiculu akulengesha ayi shishango shicate paciindi ceelete. Ulamupa shakulya, lyalo mulasangalala abuumbi mumyoyo.”

Milimo ya Batumwi 15:16

‘Shaakwiinda ishi ndaakwisa alimwi, akuyaka ŋanda yakwe Defedi yakawa. Isho shakamwayuluka ndaakushiyaka alimwi.

1 Samwelo 2:7

Ulalengesha bantu bamwi kukanduka, bamwi kubila. Ulaceesha bamwi akusumpula bamwi.