Jobo 22:13 - Baibo Busansulushi Bwa Libuku Ili

¹³ Sombi uleepusha ayi, ‘Ino Lesa nciinshi nceeshi? Sa inga wakonsha koombolosha mumakumbi ashiya mbi mwaabete?

Jobo 22:13 ပူးပေါင်းရင်းမြစ်များ

Jobo 34:22

Taakuuwo munshinshe nabi musena ushiya mbi uko bamucita shibi nkweenga bayubila Lesa.

Kulumbaisha 10:11

Lyalo balalilishaanya ayi, “Lesa ndushinisho taatubikiteeko amaano. Washinshibata, aboobo teshi akatuboneewo!”

Kulumbaisha 139:11

Nabi ŋambe ayi, “Ntooyuba munshinshe, lyalo mumuni unshingulukite waba munshinshe,”

Kulumbaisha 139:7

Anu inga ndaya kuli kwaamba ayi njube Mushimu wanu? Anu inga ndacicila kuli kwaamba ayi nswe pameenso anu?

Kulumbaisha 59:7

Amunyumfwe shitooswa mumilomo yabo, Ncakwiila balaamba maswi ayasa anga njimipeeni. Beene balalibeca ayi, “Taaku weenga watunyumfwa.”

Kulumbaisha 64:5

Balayuminishanya mumiyeeyo ibiibi. Balabandikabo bwakushisa toose twabo akwaamba ayi, “Anu ngani weshi akatuboone?”

Kulumbaisha 73:11

Balaamba ayi, “Ino Lesa inga weshiba buyani? Sa Lesa Shinkusu shoonse inga weshiba shintu shoonse?”

Isaya 29:15

Mapensho kuli baabo beelesha cankusu kushisa miyeeyo yabo kuswa kuMwaami Lesa. Ee, kubantu abo bacita milimo yabo mumunshinshe akuyeeya ayi, “Anu ngani weenga watubona? Anu ngani weenga weshiba?”

Jelemiya 23:24

Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.

Esekelo 8:12

Mpeeke Lesa wakanjipusha ayi, “Webo omuntu, sa wabona bamaloba ba bene Isilaeli mbobatoocita mubushishi? Womwi awomwi utoolambila cibumbwabumbwa cakwe. Balo balaamba ayi, ‘Mwaami Lesa taatubweneewo, ncakwiila cishi wakacisuula.’ ”

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Amosi 9:2

Nabi bakakaabe panshi kushika kumusena wa bafu, lyaansa lyangu lilaakubakushaako uko. Nabi bakataante kushika kwiculu, nebo ndaakubaselushaako.

Amosi 9:3

Nabi bakayube paKalundu ka Kamelo, ndaakubayandoola kushikila nkabacaate. Nabi bakayube panshi peene palweenge lulaamfu, ndaakwaambila shinshimwe ayi abaluume.

Sefaniya 1:12

“Paciindi ico ndaakuyandoola muJelusalemu alilampi akupa mulandu kubaabo balibona kubota abo bali anga nguwaini wakalila panshi. Balo balayeeya ayi, ‘Mwaami Lesa taaku nceenga wacita, kucita cibotu nabi cibiibi.’