Jobo 21:16 - Baibo Busansulushi Bwa Libuku Ili

¹⁶ Balalinyumfwa ayi balaswitilila kwiinda munkusu shabo beene. Sombi nebo nshisumini mukuyeeya kwabo kwa mushobo uyu.

Jobo 21:16 ပူးပေါင်းရင်းမြစ်များ

Matalikilo 49:6

Teshi nkanjile mumibandi yabo ya bushishi, nabi kusenkaanaabo mukubungana kwabo. Bakacaya bantu mubukali bwabo alimwi bakatyoloola bacende mukulisangalasha.

Jobo 1:21

“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”

Jobo 10:3

Sa cilamukonda kundyatilila akunsebaanya nemulimo wa maansaanu, sombi kamukondwa milimo ya bamucita shibi?

Jobo 22:18

Sombi lakwe ngowakasusha maanda abo ashintu shibotu. Ncakwiila nshikoonshi kwishiba buyeeya bamucita shibi.

Kulumbaisha 1:1

Ulicite coolwe muntu uyo uteendi munshila shibiibi sha beshikubisha, utakonkeli shicita bamucita shibi abo, alimwi utasenkani abaabo baweluluka shakwe Lesa.

Tushimpi 1:10

Omwanaangu, na bamucita shibi bakuyungoola, webo utabakonkeleshi napaceyi.

Tushimpi 5:8

Mwanakashi wa mushobo uyo mumusoonoke. Mutakeeleshi kuya kufwaafwi aŋanda yakwe.

Shikushimikila 8:8

Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.

Luka 16:2

Lyalo wakeeta shikulama buboni akumwiipusha ayi, ‘Ngamakaninshi aya ngoontoonyumfwa? Lemba mbone mbowalinga kweendelesha buboni mukwiinga tooelete kunoocili shikulama buboni alimwi.’

Luka 16:25

“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.