Jobo 20:11 - Baibo Busansulushi Bwa Libuku Ili

¹¹ Mubili wakwe wakalinga kucite nkusu shabucikula bwangu, sombi nkusu shakwe isho shilaakuloba pantu pomwi anguwe mubulongo.

Jobo 20:11 ပူးပေါင်းရင်းမြစ်များ

Jobo 13:26

Muleebaluka milandu iindaawo kubica pali ndime, kuswabo kumilandu njendakacita kaancili mwanike.

Jobo 17:16

Sa kulaakuya anebo mucuumbwe? Sa ndushinisho ndaakuya andulo mubulongo?”

Jobo 19:20

Ndamana cakucaalabo mafuwa yokolo. Amwalo mukanwa mwacaalabo shishiili.

Jobo 21:23

Amubone bamwi bantu balafwa kabacilinyumfwite. Balafwabo kabasangalete alimwi cakubula kulisukama.

Jobo 21:24

Ayalo mibili yabo ilaba kayiinite. Ncakwiila kabacilyabo kabotu.

Jobo 21:26

Sombi boonse aba balafwa akoona mubulongo. Ndushinisho boonse balalitwa pantu pomwi kumapila.

Kulumbaisha 25:7

Shibiibi shangu sha kubwanike mutakashiibaluki, nshila shangu sha bwaashu mutakashiibaluki. Munjibaluke mulusuno lwanu nobeene, mukwiinga mwebo NoBaami baLesa muli kabotu.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Esekelo 24:13

“Webo ondabala ya Jelusalemu bufuule bwako nshendalabwa. Ndakeelesha kukusansha ayi utube, sombi cakaala. Ono teshi ukatubeewo alimwi, sobwe, kushikila ukanyumfwe cilemeneshi ca bukali boonse.

Esekelo 32:27

Sa tabalete pantu pomwi abashilumamba bamwi balya batapalwitwe bafwite abo bakaya kumusena wa bafu ashilwanisho shabo shoonse, ee, bakabikilwa mipeeni yabo kumitwi? Mulandu wa shibiibi shabo wakalimbilila mafuwa abo. Nakubi kwaamba ayi bashilumamba aba bakalinga beshinkusu abo bakalinga kuloondesha bamwi mucishi ca boomi.

Joni 8:21

Lyalo Jesu wakaboshaawo kwaamba ayi, “Nebo ntooya, mulaakunangoola, sombi mulaakufwabo mushibiibi shanu. Uko nkoontooya, mwebo inga tamushikiiko.”

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Milimo ya Batumwi 1:25

kwaamba ayi abwese musena uyu wa butumwi, uyo wakashiya Judasi ndyaakaya kumusena umweelete.”