Jobo 19:5 - Baibo Busansulushi Bwa Libuku Ili

⁵ Mwebo mutooyeeya ayi muli kabotu kwiinda ndime akulanga mapensho angu ayi ncecitondesho cakwaamba ayi ndicite mulandu.

Jobo 19:5 ပူးပေါင်းရင်းမြစ်များ

Neyemiya 1:3

Ono bakankumbula ayi, “Abo bakapuluka mubusha akuboolela kumishaabo bali mumapensho anene akucobolwa kubantu babashingulukite. Lubumbu lwa Jelusalemu lwakapwaikwa, aminjililo ya ndulo yakatentwa alimwi teena kubambululwa kuswa kuciindi ico.”

Jobo 19:4

Ono nabi cilaamba ayi ndakabisha, ino mwebo ico inga camupensha buyani?

Kulumbaisha 35:26

Abo boonse basangalala kubona mapensho angu, abalenshekwe nsoni mukukomwa alimwi abukaluyaluya. Ee, boonse balisumpula ceebo ca ndime abasebaane akulenshekwa nsoni.

Kulumbaisha 38:16

Ceebo ndapaila ayi, “Mutasuminishi ayi balwani bangu balisumpwite pali ndime na ndawa.”

Kulumbaisha 41:11

Ndishi kwaamba ayi mulisangalete pali ndime, mukwiinga balwani bangu teshi bakankomeewo.

Kulumbaisha 55:12

Nicalinga cakwaamba ayi mbalwani batoontukana, naakwiinga ndaliyuminisha. Naalinga muntu umpatite wambukila, naakwiinga ndamuyuba.

Kulumbaisha 55:13

Sombi ndiwe oshibinda wangu, ncakwiila mweensuma mwiine mwiine.

Isaya 4:1

Muciindi ico, banakashi bali bosanwe abobilo balaakucata musankwa womwi akwaamba ayi, “Swebo tunanoolilisha akulifwalika sobeene, ncetutoosengabo nkwaamba ayi mube beebeesu, lyalo musebaanyo wabushike umane pali ndiswe!”

Mika 7:8

Nobalwani besu, mutalisumpuli pali ndiswe. Nabi twawa, tulaakubuka. Nabi tube mumunshinshe, Mwaami Lesa ulaakuba mumuni wesu.

Sefaniya 2:10

Munshila iyo bene Moabu abene Amoni balaakupekwa mulandu ceebo ca kulisumpula kwabo pakutukana akuweluluka bantu ba Mwaami Lesa Shinkusu shoonse.

Sekaliya 12:7

“Nebo neMwaami Lesa ndaakutaanguna kulengesha bene Juda kukoma kwaamba ayi bulemu bwa bamulunyungu lwakwe Defedi alimwi abwa bene Jelusalemu, butakasotoki bwa bene Juda.

Luka 1:25

“Lesa ono wanyumfwila nkumbu wankusha nsoni pameenso a bantu.”

Joni 9:2

Bashikwiiya bakwe bakamwiipusha ayi, “Bafundishi, ngani wakabisha kwaamba ayi musankwa uyu ashalwe kaali moofu? Sa ngumwiine na mbashali bakwe?”

Joni 9:34

Lyalo bakamukumbula ayi, “Webo wakashalwa akukula mushibiibi, ino inga watwiishanshi?” Mpomunyaawo bakamutanda mucoonde.

1 Samwelo 1:6

Penina nabukashinyina wakalinga kumuseka akumulensha nsoni ceebo Mwaami Lesa wakeemika lushalo lwakwe.