Jobo 19:13 - Baibo Busansulushi Bwa Libuku Ili

¹³ “Lesa walengesha bamakwesu kuba baswamashi kuli ndime. Ncakwiila beensuma boonse baba beensu abuumbi kuli ndime.

Jobo 19:13 ပူးပေါင်းရင်းမြစ်များ

Jobo 16:20

Beensuma batoonshibuluka. Sombi nebo ntoolilila kuli Lesa

Jobo 16:7

NobaLesa mwanguma mumanungo. Ee, mwasuminisha bamuŋanda yangu kucaikwa.

Jobo 42:11

Lyalo bamakwabo, bamanankashi shakwe abaabo mbaakalinga kunyumfwanaabo kalekale bakaya mukulita kuŋanda yakwe mukumuumbulusha akumusangalasha pamapensho ayo Mwaami Lesa ngaakaleta pali nguwe. Womwi awomwi wakamupa maali a silifa alimwi aninga ya golodi.

Jobo 6:15

Ono mwebo nobeensuma mutoombecabo anga ntulonga, ee, tulonga tuyuma muciindi ca cilimo.

Jobo 6:20

Balatyongola ceebo balashoma ayi batokwaacana, sombi na bashika kukalonga balacana ayi taaku.

Kulumbaisha 31:11

Balwani bangu boonse balanshibuluka, abalo beshikamukobonyinaangu balanaama. Beensuma boonse batalika kunoonda, kulilabo kumbona mumukwakwa, nkucica.

Kulumbaisha 31:12

Ono ndalubwa cakumaninina anga ndifwite, nabi anga ninongo ipwayookite.

Kulumbaisha 38:11

Beensuma abeshikamukobonyinaangu tabatoonshika pafwaafwi ceebo ca shiloonda nsheencite. Abalo bamuŋanda yangu balakalila palaale anebo.

Kulumbaisha 38:12

Bantu abo bayandoola buumi bwangu balanteya toose. Abo bakonsha kuncisa balapangana shakunyonyoola. Ncakwiila lilaya mukwipila mbeshi kuyeeyabo shabubeshi.

Kulumbaisha 41:9

Ono amweensuma mwiine mwiine ngooncinkitemo manungo, mweensuma ngoondyaakwe mbale yomwi, wambukila.

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

Kulumbaisha 69:8

Pakati ka bakwesu ndaba anga ngumweensu, ee, anga ngumuswamashi pakati ka baabo mbondakashalwaabo lifumo lyomwi.

Kulumbaisha 69:9

Lusuno lwangu lwa ŋanda yanu nobaLesa, lulancata kumoyo. Matushi bantu ngobakamutukana oonse aboolela pali ndime.

Kulumbaisha 88:18

Mwantalamushisha beensuma abamakwesu. Munshinshe ushiya mbi ngomweensuma weenkabo wacalaawo.

Kulumbaisha 88:8

Mwalengesha beensuma kunsuula, ndaba cintu cilensha bunya kuli mbabo. Ndi anga ngumukaili utakoonshi kuloboka.

Malilo 1:19

“Ndakeeta mboocafwanaabo pakulwana, sombi balo bakangaba. Bapailishi abamaloba bangu bakalobela mundabala inene. Ncakwiila bakaloba ndibakalinga kuyandoola cakulya ayi babe abuumi.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

2 Timoti 4:16

Paciindi ndindakataanguna koomboloshekwa, taaku wakesa mukuncafwaako. Boonse bakampalangana. Lesa abalekelele!