Jobo 18:13 - Baibo Busansulushi Bwa Libuku Ili

¹³ Bulwashi bucaya bwacata mubili wakwe woonse. Bwalengesha mikono amyeendo yakwe kubola.

Jobo 18:13 ပူးပေါင်းရင်းမြစ်များ

Matalikilo 31:15

Batootucita anga mbaswamashi. Bakatuulisha, ono alimwi banyonyoola maali oonse ngobakalipilwa ceebo cesu.

Matalikilo 49:3

“Lubeni, mwanaangu wakwiiya, ndiwe nkusu shangu. Alimwi uli mwaana mutaanshi mubusankwa bwangu. Uleendaawo bulemu ankusu pabana bangu basankwa boonse.

Jobo 17:16

Sa kulaakuya anebo mucuumbwe? Sa ndushinisho ndaakuya andulo mubulongo?”

Isaya 14:30

Bakandu beelaako kubukandu balaakuba ashakulya. Ncakwiila bataaku mbobabete balaakwikala kwakubula cakulisukama. Sombi mwebo abamulunyungu lwanu ndaakumucaya kunsala. Taaku nabi womwi weshi akapuluke kunsala iyo.

Jona 2:6

Ndakepila panshi peene patalikila tulundu, mumusena uli anga nintolongo yamuyayaya. Sombi noBaami baLesa bangu, mwakankusha mumusena wa bafu.

Sekaliya 14:12

Mwaami Lesa ulaakuleta mwaalu uyoosha kubamumishobo yoonse abo balwana ndabala ya Jelusalemu. Mibili yabo ilaakuboola kabacili boomi. Ncakwiila meenso abo alaakuboolela mumakobo ayalo milaka yabo ilaakuboolela mumilomo yabo.

Ciyubululo 6:8

Ndindakalangilisha, ndakabona liaki litubulukite. Uyo wakalinga kutantiteewo liina lyakwe wakalinga Lufu. Lyalo musena wa bafu wakamukonkela pesule. Balo bakapekwa nkusu shakucaya cipansha comwi ca shone ca bantu boonse mucishi ca panshi. Nkusu shabo shakalinga shakucaya kwiinda munkondo, nsala, malwashi alimwi abanyama bakali ba muluundu.