Jobo 17:9 - Baibo Busansulushi Bwa Libuku Ili

⁹ Abo balyaamba ayi balalemekwa batooya ciindaawo kushinisha ayi baliluleme.

Jobo 17:9 ပူးပေါင်းရင်းမြစ်များ

Matalikilo 20:5

Abulaamu mwiine wakandwiita ayi ngunankashi yakwe alakwe mwiine Saala wakasuminisha. Ici ndakacicita amiyeeyo iluleme alimwi taaku cibiibi ncendacita.”

2 Samwelo 3:1

Ono kulwana pakati ka baabo bakalinga kwiimikanina bamuŋanda yakwe Saulo abaabo bakalinga kwiimikanina Defedi, kwakatola ciindi cilaamfu abuumbi. Sombi lubasu lwakwe Defedi mbuli mbolwakalinga kuya ciindaawo kuyuma, lwalo lumwi lwakalinga kuya ciindaawo kulefuka.

Jobo 22:30

Ulaakufuna woonse uyo utacite mulandu, awebo ulaakupulushikwa na nshoocita shililuleme.”

Jobo 27:5

Teshi nkasumineewo ayi mwebo namata muliluleme, sobwe. Ndaakunokwaambabo ayi nshicite mulandu kushikila nkafwe.

Jobo 27:6

Ndanokwiimfwibo pakwaamba ayi ndiluleme, cakutalyatukaawo, sobwe. Nshicitewo kutonsha mucikani ici, napaceyi.

Jobo 31:7

Na ndakapambukawo kuswa munshila iluleme, na meenso angu akantola kushibiibi, nabi na maansaangu akacatawo shibiibi,

Jobo 33:9

‘Nebo ndisalalite, nshicitewo cibiibi, tau. Ndiluleme, nshikwe kubishawo, sobwe.

Kulumbaisha 11:3

Na lushomo lutooya cinyonyoolwa muntu ululeme inga wacitanshi?”

Kulumbaisha 24:4

Ngooyobo ucita shisalalite, utacite cibiibi mumoyo. Ngooyo utalambili shibumbwabumbwa, nabi kubeca pakushomesha cakulumbila.

Kulumbaisha 26:6

Ndasamba kumaansa kutondesha ayi taaku cibiibi ncendakacita, ndeendaana kucipaililo canu mukumulambila noBaami baLesa.

Kulumbaisha 73:13

Nebo ndabamba moyo wangu ayi unoosalalite, ndasamba kumaansa kubonesha ayi nshicite cibiibi. Sombi shoonse ishi tashikwe kuba ampindu kuli ndime

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Kulumbaisha 84:7

Nkusu shabo shilaya cifulilaako ndibaya ceenda, tibili bakabonekele pameenso akwe Lesa wa balesa boonse muSiyoni.

Kulumbaisha 84:8

Amunyumfwe mupailo wangu noBaami baLesa Beshinkusu shoonse. Amukutike kusenga kwangu nobaLesa bakwe Jakobo.

Tushimpi 10:25

Cipuupu ndicisa cilatolelesha abamucita shibi, sombi baluleme balacaala mobakeemikanina.

Tushimpi 10:30

Baluleme teshi bakakushikweemo mucishi, sobwe, sombi bamucita shibi balaakukushikwaamo.

Tushimpi 14:16

Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Maako 7:2

Balo bakabona ayi bamwi bashikwiiya bakwe Jesu bakalinga kulya kabatana kusamba kumaansa. Nkokwaamba ayi tabana kusamba kweelana amulawo wa ciJuda.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.